Ажәабжьқәа

Популярное

Рауль Ҳаџьымба Ареспублика Сербскаиа аделегациа идикылеит

160
03.10.2017 15:15
Рауль Ҳаџьымба Ареспублика Сербскаиа аделегациа идикылеит
Аҧсны аусуратә визитла иаҭааны иҟоу Ареспублика Сербскаиа аделегациа.

Аҟәа. Жьҭаарамза 3. Аҧсныпресс.  Мадина Чагәааҧҳа. Аҧсны Аҳәынҭқарра Ахада Рауль Ҳаџьымба Ареспублика Сербскаиа аделегациа идикылеит. 

Асасцәа бзиала шәаабеит ҳәа раҳәо, Рауль Ҳаџьымба ашьақәгылара иаҿу аизыҟазаашьақәа аринахысгьы хра злоу аҿиара аиуп ҳәа агәыҕра шимоу азгәеиҭеит. “Ҳҳәынҭқаррақәа рыҿиара иазырхоу еиуеиҧшым азҵаарақәа рганахьала ҳара аилибакаара ҳабжьалап ҳәа агәыҕра сымоуп. Уи жәаҳәарада алҵшәа бзиақәа аанарҧшраны иҟоуп”,-ҳәа иҳәеит Аҳәынҭқарра Ахада.  

Ахәҭакахьала, Ареспублика Сербскаиа Ахәаахәҭра-ааглыхратә Палата апрезидент ихаҭыҧуаҩ Михаило Видич, имҩаҧысхьоу аиҧыларақәа аҩганктәи аизыҟазаашьақәа рырҕәҕәара иазырхоуп ҳәа инаҵшьны иазгәеиҭеит: “ҳара аусеицура ахьҳабжьаҳҵаша  иалкаау асекторқәа ыҟоуп. Еиҳарак атуризм аганахьала. Ҳара Аҧсны Ахәаахәҭра-ааглыхратә Палата апрезидент Геннади Гагәылиеи аусдкылаҩцәа гәыҧҩыки аиқәшаҳаҭрақәак рыбжьаҵаразы Ареспублика Сербскаиа аҭааразы ааҧхьара раҳҭеит. Ҳара ҳреспублика аҿы ақыҭанхамҩа ахырхарҭала 9-нызықь-ҩык инарзынаҧшуа аусдкылаҩцәа аус руеит.  Арахь ҳаара ҳҳәынҭқаррабжьаратәи аусеицура арҕәҕәара иацхраароуп”. 

Ақалақь Биелина ахада Мичо Мичич , Биелина ақалақь ауааҧсыра 130 нызықь-ҩык рҟынӡа инаӡоит, убри аан ақалақь аҿы 3-нызықь рҟынӡа анаплакқәа аус руеит ҳәа адырра ҟаиҵеит. “Иахьа Аҟәа ақалақь ахадеи сареи Биелина ақалақьи Аҟәа ақалақьи рыбжьара аусеицуразы аиқәшаҳаҭра ҳнапы аҵаҳҩит. Аамҭа кьаҿ иалагӡаны ҳара ҳаизыҟазаашьақәа иҿыцу аҩаӡара ахь ацәыргара азҧхьагәаҭаны иҳамоуп”, -ҳәа иҳәеит Мичо Мичич. 

Аиҧылара ахыркәшамҭаз аганқәа агәаларшәагатә ҳамҭақәа еимырдеит. 


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа