Ажәабжьқәа

Популярное

Рауль Ҳаџьымба Иақуб Лакоба 70-шықәса ихыҵра идиныҳәалеит

195
02.08.2019 15:33
Рауль Ҳаџьымба Иақуб Лакоба 70-шықәса ихыҵра идиныҳәалеит
“Шәара шәеицырдыруеит аҧышәа ду змоу, хьаҵра ззымдыруа зинхьчаҩык иаҳасабала. Акыр шықәса қәҿиарала напхгара ашәҭоит Аҧсны жәлар рпартиа”, – ҳәа инаҵшьны иазгәеиҭеит Аҳәынҭқарра Ахада.

Аҟәа. Нанҳәамза 2. Аҧсныпресс. Аҧсны Аҳәынҭқарра Ахада Рауль Ҳаџьымба Аҧсны Жәлар рпартиа ахантәаҩы, азинхьчаҩ Иақуб Лакоба 70 шықәса ихыҵра идиныҳәалеит.

“Гәык-ҧсыкала ишәыдысныҳәалоит шәиубилеитә ныҳәамш. Шәара шәыруаӡәкуп Аҧсны амилаҭ-хақәиҭратә қәҧара аветеранцәа. Шәрылахәын ҳҳәынҭқарра ахьыҧшымра ашьақәыргылара иазкыз аполитикатә хҭысқәа. Иара убас Шәара шәеицырдыруеит аҧышәа ду змоу, хьаҵра ззымдыруа зинхьчаҩык иаҳасабала. Акыр шықәса қәҿиарала напхгара ашәҭоит Аҧсны жәлар рпартиа. Ишәзеиҕьасшьоит агәамч-ҕәҕәа, аманшәалара, аҧсуа шықәсынҵыра ду”.

Ахәҭакахьала, Иақуб Лакоба Аҳәынҭқарра Ахада иҟаиҵаз адныҳәалара азы ҭабуп ҳәа иаҳәо, уи хаҭала иара изы акырӡа шаанаго, патугьы шизақу азгәеиҭеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа