Ажәабжьқәа

Рауль Ҳаџьымба Лев Кәыҵниа Аҧсны иҷыдоу аҭагылазаашьақәа рзы Аминистрра аҧҵара Амш 13-шықәса ахыҵра инамаданы дидныҳәалеит

123
04.07.2019 12:52
Рауль Ҳаџьымба Лев Кәыҵниа Аҧсны иҷыдоу аҭагылазаашьақәа рзы Аминистрра аҧҵара Амш 13-шықәса ахыҵра инамаданы дидныҳәалеит
“Аиашазы, Аҧсны Аҷыдалкаатәи ҭагылазаашьақәа рзы Аминистрра атәылаҿы алҵшәа бзиақәа змоу аҳәынҭқарратә маҵзурақәа иреиуоуп иахьа”, – ҳәа инаҵшьны иазгәеиҭеит Аҳәынҭқарра Ахада.

Аҟәа. Ҧхынгәымза 4. Аҧсныпресс. Аҧсны Аҳәынҭқарра Ахада Рауль Ҳаџьымба Аҧснны иҷыдоу аҭагылазаашьақәа рзы аминистр Лев Кәыҵниа напхгара зиҭо ахылаҧшырҭа аҧҵеижьҭеи 13-шықәса аҵра идиныҳәалеит.

Адныҳәалараҟны, ҷыдала, иҳәоуп:

“Гәык-ҧсыкала ишәыдысныҳәалоит Аҧсны Аҳәынҭқарра аҷыдалкаатә ҭагылазаашьақәа рзы Аминистрра 13 шықәса ахыҵра Амш.

Арҭ ашықәсқәа рыла иаҧҵоуп ҳаҧсадгьыл ауааҧсыра ршәарҭадара алзыршо еиҿкаау, узықәгәыҕыртә иҟоу асистема.

Аҷыдалкаатәи ҭагылазаашьақәа рзы Аминистрра аспециалистцәа рнапы иану имариам аҳасабтәқәа рыӡбараан иаадырҧшуа апрофессионализм, агәымшәара, ахамеигӡара ирыбзоуроуп рмаҵзура зыҧсахаз аҳаҭырқәҵара.

Исымоу аҭагылазаашьа схы иархәаны, иҭабуп ҳәа шәасҳәар сҭахуп фырхаҵарыла, занааҭдыррала, хачҳарала инашәыгӡо шәмаҵзуразы. Шәаргьы, шәколлективгьы, иара убас Аҧсны Аҳәынҭқарра Аҷыдалкаатәи ҭагылазаашьақәа рзы Аминистрра аветеранцәеи ишәзеиҕьасшьарц сҭахуп агәабзиара, агәамч, аманшәалара, ҳтәыла ахьӡала шәнапы злашәкуа аусқәа зегьы рыҟны аихьӡарақәа!”

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа