Ажәабжьқәа

Популярное

Рауль Ҳаџьымба Платон Бебиа иира Амш идиныҳәалеит

165
05.10.2017 22:33
Рауль Ҳаџьымба Платон Бебиа иира Амш идиныҳәалеит
“Платон Бебиа ҳтәылаҿы, насгьы уи анҭыҵ збаҩхатәра ҳаракыу поетны, шәҟәыҩҩны деицырдыруеит”, – ҳәа иазгәаҭоуп адныҳәалараҿы.

Аҟәа. Жьҭаарамза 5. Аҧсныпресс. Аҧсны Аҳәынҭқарра Ахада Рауль Ҳаџьымба апоет, ашәҟәыҩҩы, апублицист, Д. И. Гәлиа ихьӡ зхыу Аҧсны Аҳәынҭқарратә премиа алауреат Платон Бебиа иира Амшм идиныҳәалеит. 

Адныҳәаларатә шәҟәы аҿы ахәҭакахьала иазгәаҭоуп: 

Ҳаҭыр зқәу Платон Хәамҧа-иҧа!

Гәахәара дула ишәыдысныҳәалоит шәира Амш! Зегь раҧхапӡа иргыланы гәык-ҧсыкала ишәзеиҕьасшьоит агәабзиара ҕәҕәа, агәамч!

Ҳтәылаҿы, насгьы уи анҭыҵ Шәара збаҩхатәра ҳаракыу поетны, шәҟәыҩҩны шәеицырдыруеит. Иҳаҩсыз ашәышықәса 50-тәи ашықәсқәа рзы ҳмилаҭтә литература иаҵагылаз абиҧара ҿыц шәыруаӡәкыуп. Шәкаламҧынҵа хыҧхьаӡара рацәала апоезиатәи апрозатәи еизгақәа ыҵшәыжьхьеит. Шәџьабаа ҕәҕәа рыдуп ажурналқәа “Амцабз”, “Алашара”. Акыраамҭа аус жәуан Аҧснытәи аҳәынҭқарратә шәҟәҭыжьырҭа аредактор хадас, адиректорс. Шәрылахәуп Аҧсны, иара убас Урыстәыла Ашәҟәыҩҩцәа Реидгылақәа .

А.Пушкин, С. Есенин, К. Симонов, Е. Евтушенко, Р. Гамзатов, Р. Биорнс, уҳәа аӡәырҩы еицырдыруа раҧҵамҭақәа аҧсшәахь  еиҭаганы иҭшәыжьхьеит. Иара убас ахәшьара ҳаракы роухьеит шәроманқәа, шәсахьаркыратә публицистика, шәхәыҷтәы поезиа.

Шәырҿиаратә лшамҭа дуқәа азгәаҭаны, Аҧсны жәлар Рпоет Дырмит Гәлиа ихьӡ зхыу Аҳәынҭқарратә премиа шәанашьоуп.

Даҽазныкгьы гәык-ҧсыкала ишәзеиҕьасшьоит агәалаҟара бзиа, аманшәалара!"

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа