Ажәабжьқәа

Популярное

Рауль Ҳаџьымбеи Витали Муткои реиҧылара мҩаҧысит

1021
18.12.2019 18:28
Рауль Ҳаџьымбеи Витали Муткои реиҧылара мҩаҧысит
Анапхгарабжьаратәи акомиссиа Урыстәылатәи аделегациа Аҧсны усуратә визитла иаҭааит.

Аҟәа. Ҧхынҷкәынмза 18. Аҧсныпресс. Ҧхынҷкәынмза 18 рзы Аҧсны Аҳәынҭқарра Ахада Рауль Ҳаџьымба Аҧсны Аҳәынҭқарреи Урыстәылатәи Афедерациеи рыбжьара асоциалтә-економикатә еимадаразы Анапхгарабжьаратәи акомиссиа аилатәара аҽалархәразы Аҧсны Аҳәынҭқарра усуратә визитла иаҭааз Урыстәылатәи Афедерациа Аиҳабыра Ахантәаҩы ихаҭыҧуаҩ Витали Мутко дидикылеит.

Витали Мутко Рауль Ҳаџьымба иҭабуп ҳәа иаиҳәеит иҟаиҵаз адкыларазы.

“Иҭабуп аҧхарра зҵаз аиҧыларазы. Ҳара ҳарҭааит Гагра, Афон ҿыц, Аҟәа иҟаз асоциалтә, аинфраструктуратә, анџьныртә обиектқәа. Иааидкыланы зегьы рыҩаӡара бзиоуп. Ҳаззааҭгылаз азҵаарақәа рацәоуп, иара убас ҧхынҷкәынмзазы ихыркәшахо ҳапрограмма иазкызгьы. 2020-2022 шш. рызтәи апрограмма инықәырҧшны еиқәыршәоуп, иара убас ирзааҭгылан егьырҭ азҵаарақәагьы. Ауниверситет аҿы иаҳбаз-иҳаҳаз агәахәара ҳнаҭеит, аҿар ҳрацәажәеит. Аҿар азҵаара бзиақәа ҳарҭеит, аҳәарақәа ҟарҵеит. Ҳахәаҧшит аспорттә комплексгьы, уи лассы аиҭашьақәыргылара ацхыраара аҭаразы ҳаицәажәеит”, – ҳәа иҳәеит Витали Мутко.

Аҳәынҭқарра Ахада иазгәеиҭеит Анапхгарабжьаратәи акомиссиа аилатәараҿы аҧхьаҟатәи Асоциалтә-економикатә ҿиара ацхраарзы аинвестициатә программаҟны иазгәаҭоу аусмҩаҧгатәқәа рылацәажәара иамоу аҵакы, иара убас уи аҧхьатәи аусмҩаҧгатәқәа рынагӡара аихшьалақәа рзыҟаҵара.

“Хымҧада, ҳара ҳзы акраҵанакуеит ихадараны иҟоу, Аинвестпрограммаҿы иарбоу аусмҩаҧгатәқәа рынагӡара. Убри аангьы 2018-2019 шықәсқәа рзы имҩаҧгоу аусурақәа рыхцәажәарагьы, иара убас 2020-2022 шықәсқәа рзы имҩаҧаҳгараны иҟоу аусмҩаҧгатәқәагьы ҳарзааҭгылароуп. Ари Аҧсны арҿиара иацхраауеит, афинанстә лшарақәа реизырҳаразы аҭагылазаашьақәа аҧнаҵоит”, – ҳәа иҳәеит Аҳәынҭқарра Ахада.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа