Ажәабжьқәа

Рауль Ҳаџьымбеи Владимир Путини еиҧылеит

177
06.08.2019 22:43
Рауль Ҳаџьымбеи Владимир Путини еиҧылеит
Аҩҳәынҭқаррак рхадацәа реиҧылара Шәача ақалақь аҿы имҩаҧысит. 

Аҟәа. Нанҳәамза 6. Аҧсныпресс. Шәача ақалақь аҿы Аҧсны Аҳәынҭқарра Ахада Рауль ҳаџьымбеи Урыстәылатәи Афедерациа Апрезидент Владимир Путини реиҧылара мҩаҧысит. Абри атәы аанацҳауеит Аҳәынҭқарра Ахада ипресс-маҵзура.

Урыстәыла Апрезидент ишазгәеиҭаз ала, аиҧылара ахықәкы хада – уаанӡа иазҧхьагәаҭаз аусқәа рынагӡареи, иара убас асоциалтә ҿиара апроектқәеи рынагӡара алацәажәара ауп.

Иара убас, Владимир Путин ааигәа иҟало Аҳәынҭқарра Ахада иалхрақәа адемократиатә принципқәа инарықәыршәаны ишыҩаҧысуа азы агәыҕра шимоу азгәеиҭеит: “Сеигәырҕьоит еиҭа ҳаиҧылара, ари аиҧыларазы Шәаргьы саргьы ҳаицәажәахьан аҿиаразы азҧхьагәаҭақәа, раҧхьа иргыланы, асоциалтә ҿиара иадҳәалоу апроектқәа рынагӡара шымҩаҧысуа атәы ҳалацәажәарц. Иҟаҵоу ҳахәаҧшырц, хара имгакәа урҭ ирыцҵаны иҟаҵатәу ҳазхәыцырц. Ари акы, аҩбатәи, ҳаиҧылара Аҧсны алхрақәа рыламҭалазы имҩаҧысуеит, даара сақәгәыҕуеит адемократиатә принципқәа инарықәыршәаны имҩаҧысып ҳәа, ареспублика аҧхьаҟатәи аҭышәынтәалара иацхраауеит ҳәа, иҭышәынтәалоу аекономика аҿиараҟнеиҧш, адемократиатә ҭышәынтәалареи рҟынгьы”.



Убри аан, Рауль Ҳаџьымба аиҧылареи, уи аҳәаақәа ирҭагӡаны имҩаҧгахо аҳәынҭқаррабжьаратәи аизыҟазаашьақәа ирызку азҵаарақәа рылацәажәареи иаҵоу аҵакы хада инаҵшьны дазааҭгылеит: Иҭабуп ҳәа шәасҳәоит ҳаиҧылареи ҳҳәынҭқарратә еизыҟазаашьақәа ирызку акрызҵазкуа азҵаарақәеи, Аинвестпрограммеи Аинвестициатә усбарҭеи инарымаданы имҩаҧысуа аусурақәеи рылацәажәара ахьалыршахаз. Иахьа, шамахамзар, ахыркәшарахь инеит асоциалтә ҵакы змоу аобиектқәа, ашколқәа, ашколқәранӡатәи аусбарҭақәа. Аусурақәа мҩаҧысуеит афымцамчсистемаҟны Урыстәыла иазоунажьуа афинанстә цхыраара иабзоураны. Амҩақәа рыҟаҵара иаҿуп, ҳара ҳзы акраҵанакуеит атәылахьчаратә усбарҭақәеи азинхьчаратә еилазаарақәеи рзы Шәаргьы ҳаргьы ҳазлацәажәаз аусура. Иазгәаҭатәуп, иара убас ҧаса ҳазлацәажәаз Аҧсны економикала аҿиара алзыршо аусура. Уи атранспорттә коммуникациақәа, амшынтә, аҳаиртә еимадарақәа роуп. Азин сышәҭозар, Аҧсны жәлар рыхьӡала даҽазныкгьы иҭабуп ҳәа шәасҳәарц сҭахуп Аҧсны иашәҭо ацхырааразы”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа