Ажәабжьқәа

Популярное

Сонер Гогәуа: насыҧла иҭәу ахәыҷқәа рыччаҧшь ҳусуразы зегьы реиҳа иҳамҭа дууп!

6466
12.02.2020 13:31
Сонер Гогәуа: насыҧла иҭәу ахәыҷқәа рыччаҧшь ҳусуразы зегьы реиҳа иҳамҭа дууп!
Зҭакҧхықәра ҳәаақәҵоу Аилазаара “Жәларбжьаратәи Афонд “Аҧсны” 5-шықәса ирылагӡоу аусура аҳасабырба ҟанаҵеит. 

Аҟәа. Жәабранмза 12. Аҧсныпресс.  Дамеи Касланӡиа. Имҩаҧысыз апресс-конференциа аҿы Зҭакҧхықәра ҳәаақәҵоу Аилазаара “Жәларбжьаратәи Афонд “Аҧсны” 5-шықәса ирылагӡоу аусура аҳасабырба ҟанаҵеит.

Афонд апрезидент Сонер Гогәуа инаҵшьны иазгәеиҭеит: “Ҳара ҳауаажәлари еиҵагыло абиҧареи рыҧсҭазаара маҷк иадамзаргьы аиҕьтәразы иҳалшо зегьы ҟаҳҵоит. Афонд адгылара азҭоз зегьы ҭабуп ҳәа расҳәар сҭахуп, ҳхала акгьы ҳалымшар ҟаларын. 5-шықәса рыла 5 492-ҩык ацхыраара рыҭахеит. Насыҧла иҭәу ахәыҷқәа рыччаҧшь ҳусуразы зегьы реиҳа иҳамҭа дууп!”  

Сонер Гогәуа иҟаиҵаз адыррақәа рыла, Афонд асоциалтә, агәыҳалалратә, акультуратә, уҳәа  аусхкқәа рҿы еиуеиҧшым апректқәа нанагӡоит. Есымшатәи проектқәаны иҟоуп “Агәабзиара”, “Ашколхәыҷқәа рыцхыраара”, “Атеатри ахәыҷқәеи”, “Акыр нызҵаз”, “Атехнологиа ҿыцқәа”, “Ҧхьаҟатәи аҧеиҧш”, “Аспорт”, “Ани ахшаареи”, “Академиа”. 

Зынӡа 5-шықәса ирылагӡаны Афонд ала иныхын 55 624 644 мааҭ.  

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа