Ажәабжьқәа

Популярное

Урҭ ҳгәалашәонаҵы рыҧсы ҭоуп: акциа “Ҧсра зқәум архәҭа” Аҟәа ақалақь аҿы имҩаҧысит

141
30.09.2019 13:48
Урҭ ҳгәалашәонаҵы рыҧсы ҭоуп: акциа “Ҧсра зқәум архәҭа” Аҟәа ақалақь аҿы имҩаҧысит
Аҧсны Аиааиреи Ахьыҧшымреи Рымш 26-шықәса ахыҵра иазку агәаларшәагатә усмҩаҧгатәқәа рымҩаҧгара аҳәаақәа ирҭагӡаны, Аҟәа ақалақь аҿы имҩаҧысит акциа “Ҧсра зқәум архәҭа”.

Аҟәа. Цәыббрамза 30. Аҧсныпресс. Мадина Чагәааҧҳа. Аҧсны Аиааиреи Ахьыҧшымреи Рымш 26-шықәса ахыҵра Амш аҽны Аҟәа ақалақь аҿы имҩаҧысит акциа “Ҧсра зқәум архәҭа”.

Аҧсны ауааҧсыра Аҧсны Аџьынџьтәылатәи еибашьра иалахәыз рыуацәеи рҭахцәеи рфотосахьақәа кны аҳҭнықалақь аҧшаҳәа иқәсит. Анаҩс урҭ Арратә Ахьӡ-Аҧша апарк аҿы иҭахаз Рмемориал амҵан ашәҭ шьыҵәракәа шьҭарҵеит.



Акциа хыркәшахеит Ахақәиҭра Ашҭаҿы.

Ари акциа зхы алазырхәыз 7-шықәса зхыҵуа Алиса Кәарҷиаҧҳа хаҭала лара лзы ари аусмҩаҧгатә алахәхара ҵакыс иамоу далацәажәеит: Сара даара сазгәдууп иахьа абра сабду ипаҭреҭ кны сахьиаусуа. Уи аибашьра зегьы ихигеит, 8-шықәса раҧхьа дҭахеит. Сара уи хаҭала дысбартә еиҧш аҭагылазаашьа смоуӡеит, аха сҭаацәа ирацәаны уи изкны ажәабжьқәа сзеиҭарҳәахьеит. Сара сабду ила сгәы дууп”.

Акциа иара убас зхы алазырхәыз Сариа Ҭарҧҳа еиҭалҳәеит иахьа лыуацәа ҩыџьа рпаҭрет кны дшыиасуа. Уи лажәақәа рыла, руаӡк аибашьраҿы дҭахеит, егьы аибашьра ашьҭахь: “Сара еилаҧсоу ацәаныррақәа сеимдырххоит, ганкахьала, Аиааира Амш иадҳәалоу агәырҕьара, даҽа ганкахьала – аӡәырҩы уи Амш аҟынӡа иахьзымнеиз аҟынтә агәхьаа. Иахьа зыҧсы ҭоу аветеранцәа зегьы ирзеиҕьасшьоит агәабзиара, ҭабуп ҳәагьы расҳәарц сҭахуп”.



Акциа иалахәыз Алхас Габуниа аибашьраҿы иҭахаз иаб ипатреҭ кны дыиасуеит. “Ари амш сара сзы, иара атәыла ауааҧсыра зегьы рзы еиҧш, акырӡа аҵанакуеит. “Ҧсра зқәым архәҭа” аҽалархәра – аибашьцәа ҳаҭырла ргәалашәара азы зегьы иреиҵоу лшамҭоуп”, – ҳәа иҳәеит иара.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа