Ажәабжьқәа

Популярное

Урыстәылазегьтәи ахеидкыла “Юнармия” ахәыҷқәа рзы арра-патриоттә лагерь Аҧсны иҟоу урыстәылатәи Аладатәи Арратә Округ иатәу арратә база иахьаҵанакуа иаатуеит

199
07.08.2019 15:01
Урыстәылазегьтәи ахеидкыла “Юнармия” ахәыҷқәа рзы арра-патриоттә лагерь Аҧсны иҟоу урыстәылатәи Аладатәи Арратә Округ иатәу арратә база иахьаҵанакуа иаатуеит
Аизгарақәа рхықәкы хаданы иҟоуп арранӡатәи аҿар арра-спорттә зыҟаҵарақәа рахыгареи, аиҩызареи аидгылареи рылааӡареи.

Аҟәа. Нанҳәамза 7. Аҧсныпресс. Аҧсны иҟоу урыстәылатәи Аладатәи Арратә Округ иатәу арратә база иахьаҵанакуа Урыстәылазегьтәи ахеидкыла “Юнармия” ахәыҷқәа рзы арра-патриоттә лагерь аатуеит. Абри атәы аанацҳауеит Аладатәи Арратә Округ апресс-маҵзура.

Аацҳамҭа излаанацҳауа ала, алагерь апрограмма 14-мшы ирылагӡоу акурс азҧхьагәанаҭоит. Уахь иаҵанакуеит абҩарҵәыратә зыҟаҵарақәа, аинтеллектуалтә дҵаҟаҵарақәа рынагӡара, уҳша убас иҵегьы.

Ахәҭакахьала, 17 шықәса зхымҵыц аӡҕабцәеи аҷкәынцәеи аратә биатлони аҧынгылақәа рхысреи, ахысрақәеи, автомати атапанчеи реибыҭареи реимыхреи, раҧхьаӡатәи амедицинатә цхыраара аҭареи, уҳәа рҿы аҧышәа рыҭахоит.

Иара убас, аҿар арратә хәмаррақәа рхы аладырхәраны иҟоуп, арратә база аруаа рнапхгарала ҷыдала иаҧҵоу аҧынгыларатә цәаҳәа “аҧшыхәыҩ ицәаҳәа” иахысуеит. 

Аизгарақәа рхықәкы хаданы иҟоуп арранӡатәи аҿар арра-спорттә зыҟаҵарақәа рахыгареи, аиҩызареи аидгылареи рылааӡареи.

Алагерь алахәылацәа раанкылареи рышьҭаҵарҭақәеи еиҿкаахоит арратә казармақәа рҿы. Рыкрыфара акәзар-аҭыҧантәи арратә крыфарҭа аҿы. Раҧхьаӡа акәны арра-патриоттә лагерь арратә база аҵакыраҿы “Юнармия” ааӡамҭацәа рзы еиҿкаахоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа