Ажәабжьқәа

Валери Бганба Игорь Миквабиа архитектура, ақалақьргылара, анхара-комуналтә нхамҩа азы аҳәынҭқарратә Еилакы аколлектив дыдирдырит

394
15.11.2019 13:43
Валери Бганба Игорь Миквабиа архитектура, ақалақьргылара, анхара-комуналтә нхамҩа азы аҳәынҭқарратә Еилакы аколлектив дыдирдырит
Аҧсны Аҳәынҭқарра Ахада иҭижьыз Аусҧҟа инақәыршәаны, Игорь Миквабиа архитектура, ақалақьргылара, анхара-комуналтә нхамҩа азы аҳәынҭқарратә Еилакы анапхгаҩыс дҟаҵоуп.

Аҟәа. Абҵарамза 15. Аҧсныпресс. Аҧсны аҧыза-министр Валери Бганба архитектура, ақалақьргылара, анхара-комуналтә нхамҩа азы аҳәынҭқарратә Еилакы аколлектив  ахылаҧшырҭа анапхгаҩы ҿыц Игорь Миквабиа дыдирдырит.  

Убри аан, Валери Бганба иазгәеиҭеит: “Ҳара иарбоу Аусбарҭа аиҭакрақәа алаҳгалеит, уи анхара-комуналтә нхамҩа еиҧш иҟоу ихадоу ахырхарҭа алаҳгалеит. Ҳара иарбоу аусхкы аҿы хымҧада имҩаҧгатәу аиҭашьақәыргыларатә усурақәеи, аресурсқәеи рхархәаразы атарифқәа рганахьала иаку азнеишьа ҳамаӡам. Ажәакала, Аусбарҭа аҿаҧхьа– анхара-комуналтә нхамҩа аусхкы аҿы аҳәынҭқарратә политика аҭышәынҭалара азы азинтә шьаҭа аиқәыршәара иадҳәалоу иҿыцу ауснагӡатәқәа ықәгылоуп. Аусбарҭа аусураҿы даҽа хырхарҭа хадакгьы ыҟоуп – еиҳарак, ихацыркхо Апрограмма ҿыц анагӡаразы аҽазыҟаҵара ҳасаб азуны, Аҧсны Аҳәынҭқарра асоциал-економикатә ҿиара ацхыраара иазырхоу Аинвестициатә Программа апроектқәа рекспертиза амҩаҧгара. Аргыларақәа мҩаҧгатәуп, насгьы урҭ рхаҭабзиара ҳаракызароуп хымҧада!”

Ахәҭакахьала, Игорь Миквабиа  ҳаҧхьаҟа иазҧхьагәаҭоу ауснагӡатәқәа шырацәоу азгәеиҭеит.

Атәыла Анапхгара ахада Аусбарҭа аколлектив зегьы аманшәалареи, хра злоу аусуреи рзеиҕьаишьеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа