Ажәабжьқәа

Популярное

Валери Кәарҷиа Мираб Кьышьмариа Арбџьармчқәа рымшныҳәа идиныҳәалеит

549
11.10.2019 11:00
Валери Кәарҷиа Мираб Кьышьмариа Арбџьармчқәа рымшныҳәа идиныҳәалеит
Валери Кәарҷиа “иахьа Аҧсны Арбџьармчқәа рҿы арратә маҵзура назыӡо ззанааҭдырра ҳараку арратә усзуҩцәа, урҭ хәызмаӡам рҧышәа аҿар  реиҵааӡараҿы хра злоу ахархәара шаиуо азы” агәрагара ааирҧшит.

Аҟәа. Жьҭаарамза 11. Аҧсныпрессс. Аҧсны Жәлар Реизара – Апарламент аиҳабы Валери Кәарҷиа атәылахьчара аминистр Мираб Кьышьмариа, аруааи, аветеранцәеи атәылахьчара Аминистрцәеи ахылаҧшырҭа ашьақәгылара амш 27-шықәса ахыҵра рыдиныҳәалеит.

Адныҳәаларатә шәҟәы аҿы, ахәҭакахьала иазгәаҭуп: “Иахьа ҳара Аҧсны Аҳәынҭқарра Арбџьармчқәа раҧҵара иалахәызи арратә маҵзура аҿы иҟоуи, аҳәынҭқарра атәылахьчара арҕәҕәара азы аус зуа зегьи рзанааҭныҳәа рыдаҳныҳәалоит.

Жьҭаарамза 11, 1992 шықәса ҳажәлар рҭоурых  аҿы иналукааша рыцхәны иҟалеит. Ари амш аҽны, 1992-1993 шш. Аҧсны жәлар  рџьынџьтәылатәи еибашьра аамҭа уадаҩ аан, Ареспублика Аҧсны Иреиҳаӡоу Асовет Ахантәаҩы Владислав Арӡынба  атәылахьчара Аминистрреи аштаб Хадеи раҧҵара азы Аусҧҟа ҭижьит. Урҭ наҧхгара арҭеит атәылахьчара раҧхьатәи министрс иҟалаз Владимир Аршбеи, аамҭак ала аштаб Хада анаҧхгаҩыси атәылахьчара аминистр актәи ихаҭыҧуаҩыси иҟалаз Сулҭан Сосналиеви.

Ари аныҳәатә мшы азы ҷыдала ҭабуп ҳәа раҳҳәоит арратә маҵзура аветеранцәа. Урҭ ргәымшәара, рфырхаҵара, рпатриотизм, еиҵагыло аҿар, ҳаҧхьаҟа ихьыҧшым Аҧсны Аҳәынҭқарра иатәылауааны иҟалаша абиҧара рзы зеиҕьаҟам ҿырҧштәны иҟоуп.

Ҳара аибашьраан еиҧш уи ашьҭахьгьы Зыҧсадгьыл зхы ақәызҵаз аибашьцәа рыуацәеи рҭынхацәеи рҿаҧхьа ҳхы лаҳарҟәуеит, урҭ рыхьӡқәа ҳгәалашәараҿы наӡаӡа иаанхоит.

Иахьа Аҧсны Арбџьармчқәа рҿы арратә маҵзура нарыгӡоит ззанааҭдырра ҳараку арратә усзуҩцәа, урҭ хәызмаӡам рҧышәа аҿар реиҵааӡараҿы хра злоу ахархәара арҭоит.

Аҧсны Жәлар Реизара – Апарламент анаҩсгьы ҳтәыла арбџьармчқәа рыҿиара иазырхоу аусура аиҿкаареи аруааи аветеранцәеи рызҵаарақәа рыӡбареи рҿы ацхыраара аҟаҵара ҳазхиоуп.

Ҳаҭыр зқәу аҩызцәа! Агәабзиареи агәамчи, аҩызцәа иашақәеи хаҭала анасыҧи, ишәзапаигәоу зегьы рзы аизҳазыҕьареи шәзеиҕьаҳшьоит!”

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа