Ажәабжьқәа

Популярное

Валери Кәарҷиа Урыстәыла иҟоу Аҧсны Ацҳаражәҳәарҭа даҭааит

109
11.07.2019 11:50
Валери Кәарҷиа Урыстәыла иҟоу Аҧсны Ацҳаражәҳәарҭа даҭааит
Урыстәыла иҟоу аҷыдалкаатә зинмчы змоу Аҧсны Ацҳаражәҳәаҩ Игорь Ахбеи Валери Кәарҷиеи реиҧылара аҿы аҧсуа-уарыс еизыҟазаашьақәа аҧхьатәи аперспективақәа ирылацәажәеит.

Аҟәа. Ҧхынгәымза 11. Аҧсныпресс. Аҧсны Жәлар Реизара – Апарламент аиҳабы Валери Кәарҷиа Урыстәылатәи Афедерациа иҟоу Аҧсны Ацҳаражәҳәарҭа даҭааит.

Урыстәыла иҟоу аҷыдалкаатә зинмчы змоу Аҧсны Ацҳаражәҳәаҩ Игорь Ахбеи Валери Кәарҷиеи реиҧылара аҿы аҧсуа-уарыс еизыҟазаашьақәа аҧхьатәи аперспективақәа ирылацәажәеит. Иара убас апарламентбжьаратәи аимадара аҳәаақәа рырҭбаара иадҳәалаз азҵаарақәа жәпакы ирылацәажәеит.

Иара убас, аспикер адипломатиатә миссиа аусзуҩцәагьы дырҧылеит, Аҧсны Апарламент аусушьа атәы, иара убасҵәҟьа аҧсуа диаспора арҭ амшқәа рзы Москва ақалақь аҿы имҩаҧысуаз II Жәларбжьаратәи афорум “Развитие парламентаризма” алахәхара шыҟалаз атәы  рзеиҭеиҳәеит. Валери Кәарҷия, ас еиҧш афорумқәа рылахәхара Аҧсны аӡбахә аларҵәара, анаҩстәи аусеицуразы алшарақәа рырҭбаара азы аҭагылазаашьа арманшәалоит ҳәа инаҵшьны иазгәеиҭеит.

Ахәҭакахьала, Игорь Ахба, Ацҳаражәҳәарҭа аусура дазааҭгыло, Урыстәыла адәныҟатәи аусқәа Рминистрреи Аҧсны Ацҳаражәҳәарҭеи ирыбжьоу хра злоу аимадареи аусеицуреи  ирыбзоураны, Аҧсни Урыстәыла арегионқәеи, егьырҭ аиҩызаратә ҳәынҭқаррақәеи рыбжьаара аекономикатәи акультуратәи аимадара аҳәаақәа рырҭбаара алыршахоит ҳәа иазгәеиҭеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа