Ажәабжьқәа

VIII Санкт-Петербургтәи жәларбжьаратәи акультуратә форум аҿы Аҧсны ихьыҧшым аҳәынҭқарра аҳасабала адгалара мҩаҧган

285
18.11.2019 16:03
VIII Санкт-Петербургтәи жәларбжьаратәи акультуратә форум аҿы Аҧсны ихьыҧшым аҳәынҭқарра аҳасабала адгалара мҩаҧган
Аҧсны акультура Аминистрра аҿы VIII Санкт-Петербургтәи жәларбжьаратәи акультуратә форум аихшьаалақәа рзы абрифинг мҩаҧысит.

Аҟәа. Абҵарамза 18. Аҧсныпресс. Дырмит Басариа. Аҧсны акультура Аминистрра аҿы VIII Санкт-Петербургтәи жәларбжьаратәи акультуратә форум аихшьаалақәа рзы абрифинг мҩаҧысит.

Аҧсны акультура аминистр Ельвира Арсалиа ишазгәалҭаз ала: “VIII Санкт-Петербургтәи жәларбжьаратәи акультуратә форум – адунеи аҿы иреиҳаӡоу акультуратә форумқәа иреиуоуп. Сынтәа уи рхы аладырхәит адунеи 98 тәыла рҟынтәи 37 нызықь-ҩык инарзынаҧшуа акультура знапы алаку аекспертцәеи аусзуҩцәеи. Иарбоу аусмҩаҧгатә аплошьадкақәа рҿы акультура еиуеиҧшым ахырхарҭақәа рыдгалара мҩаҧысуан”.

Ельвира Арсалиа адырра ҟалҵеит: “Ҳара ҳзы Афорум аҿы аусура ахықәкы хаданы иҟан 2020-2022 шықәсқәазы Урыстәылатәи Афедерациа акультура Аминистрра аусеицуразы Аиқәшаҳаҭра анапаҵыҩра.

Убри аан акультура аминистр лхаҭыҧуаҩ Баҭал Кобахьиа инаҵшьны иазгәеиҭеит: "Афорум Аҧсны ихьыҧшым аҳәынҭқарра аҳасабала адгылара ахьымҩаҧысуа зхыҧхьаӡара рацәам жәларбжьаратәи аплошьадкақәа иреиуоуп. Афорум алахәылацәа рхыҧхьаӡараҿы иҟан Аҧсны ахьыҧшымра макьаназы иазхазымҵац аҳәынҭқаррақәа жәпакы рхаҭарнакцәа. Агәыҕра ҳамоуп аиҧш-зеиҧшу акультуратә умҩаҧгатәқәа рҿы адунеизегьтәи ауаажәларреи ҳареи хра злоу аимадареи аилибакаареи ҳабжьаҵара алыршахап ҳәа”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа