Ажәабжьқәа

Популярное

Владислав Сурков: ҳусеицураҟны афаза бзиаҿы ҳнеит, наҟ-ааҟ ҳаиҳабырақәа аекономикатә усхк аҟны аизыҟазаашьа бзиақәа рыбжьоуп. Алҵшәақәагьы ыҟоуп, урҭ уреигәырӷьаратәы иҟоуп

165
31.07.2019 19:26
Владислав Сурков: ҳусеицураҟны афаза бзиаҿы ҳнеит, наҟ-ааҟ ҳаиҳабырақәа аекономикатә усхк аҟны аизыҟазаашьа бзиақәа рыбжьоуп. Алҵшәақәагьы ыҟоуп, урҭ уреигәырӷьаратәы иҟоуп
Рауль Ҳаџьымба Владислав Сурков дидикылеит.

Аҟәа. Цәыббрамза 31. Аҧсныпресс. Аҧсны Аҳәынҭқарра Ахада Рауль Ҳаџьымба Аҧсны усуратә визитла иаҭааз Урыстәылатәи Афедерациа Апрезидент ицхырааҩ Владислав сурков дидикылеит. Асас аҧсшәа иаҳәо, Аҳәынҭқарра Ахада инаҵшьны иазгәеиҭеит: “Ҳарҭ Аҧсны шәбара ҳаигәырӷьеит. Урыстәылатәи Афедерациеи ҳареи ҳусеицзура активла аҿиара иаҿуп. Ҳинвестпрограмма иаҵанакуа ахыбрақәа рыргылара, еиҳаракгьы, ашколқәеи ахәыҷбаҳчақәеи рхыркәшарахь инеихьеит. Цәыббрамза аказы, шамахамзар, зегьы рышәқәа аатуеит. Аамҭа кьаҿк иалагӡаны ҳҿаҧхьа иқәгылаз адҵақәа рынагӡара ҳалшеит, Урыстәыла аганахь ала иҟаҵоу афинанстә цхыраара иабзоураны урҭ азҵаарақәа ирласны рыӡбара алыршахеит”.

Ахәҭакахьала, Владислав Сурков Аҧсны Аҳәынҭқарра Ахада иҟаиҵаз адкыларазы ҭабуп ҳәа иеиҳәеит: “Гәахәас иҟасҵеит аамҭа ҧшааны сахьшәыдышәкылаз. Ҳарҭ ҳрыхьӡеит  аинвестпрограмма иаҵанакуа хыбрақәак рҭаара, ҷыдала, цәыббрамза аказы зашәқәа аартхо ашколқәа. Ҳарҭ ҳусеицураҟны афаза бзиаҿы ҳнеит, амчратә еилазаарақәа зегьы аконструктивтә, апрофессионалтә знеишьа рымазартә иҟашәҵеит. Ҳарҭ наҟ-ааҟ ҳаиҳабырақәа аекономикатә усхк аҟны аизыҟазаашьа бзиақәа рыбжьоуп. Алҵшәақәагьы ыҟоуп, урҭ уреигәырӷьаратәы иҟоуп”.

Аиҧылара аҳәаақәа ирҭагӡаны Рауль Ҳаџьымбеи Владислав Суркови 2017-2019 шш. Аҧсны Аҳәынҭқарра асоциалтә-економикатә ҿиара ацхырааразы аинвестпрограмма анагӡара азҵаарақәа, иара убас 2020-2022 шш. аинвестпрограмма апараметрқәа ирылацәажәеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа