Ажәабжьқәа

Зыда ҧсыхәа амам ахәшәқәа рсиеи, урҭ рыхәхаахәҭратә цҵақәа анаӡаратә ахәҧсеи шьақәырҕәҕәоуп

214
06.08.2019 15:22
Зыда ҧсыхәа амам ахәшәқәа рсиеи, урҭ рыхәхаахәҭратә цҵақәа анаӡаратә ахәҧсеи шьақәырҕәҕәоуп
Ақәҵара рыдыркылеит аминистрцәа Реилазаара аҿы.

Аҟәа. Нанҳәамза 6. Аҧсныпресс. Лана Ҵәыџьҧҳа/Ҭамара Ачба. Аминистрцәа Реилазаара аилатәара аҿы “Зыда ҧсыхәа амам ахәшәқәа рсиа ашьақәырҕәҕәаразы” Ақәҵара рыдыркылеит.

Иарбоу аусшәҟәы ала, иара убас зыда ҧсыхәа амам ахәшәқәа рыхәхаахәҭратә цҵақәа анаӡаратә ахәҧсагьы шьақәырҕәҕәахоит. Ахәҳаахәҭратә цҵақәа аусура иалагоит ҳазҭоу ашықәс, цәыббрамза 1 инаркны.

Убри аан, Ақәҵара инақәыршәаны, зыхәҧса 500 мааҭ рҟынӡа инаӡо ахәшә еилаҳәагак азы цыралатәи ахәҧса, еизакны аҭираан иқәыргылахо ахәҧса аасҭа 22%, аҳазылхратә хәыҧса аасҭа 25% еиҳамзароуп. Зыхәҧса еиҳа иҳараку ахәшәқәа рзы – 18, 20%. Аҧсны аекономика Аминистрреи агәабзиарахьчара Аминистрреи ахәшәқәа рыҭира амҩаҧысшьазы инеиҧынкыланы агәаҭарақәа рымҩаҧгаразы азҧхьанҵа рыҭоуп. Агәаҭаратә усмҩаҧгатәқәа раан ицәырҵуа азгәаҭарақәа зегьы аминистрцәа Реилазаара ахь идәықәҵазароуп.

Ақәҵара далацәажәо аҧыза-министр Валери Бганба ишазгәеиҭаз ала: “Ҳара аџьармыкьатә хәыҧса ала ахәшәқәа раахәара злымшо ауааҧсыра ркатегориа рыцхраара ҳҽазаҳшәоит. Зегьы ирыцку ахәшәқәеи амедицинатә маҭәашьарқәеи рыхәхаахәҭратә цҵақәа рыҩаӡара агәаҭара амҩаҧгара ауп. Ҳара уи азҵаара аус адуларазы аамҭа ҳамоуп”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа