Аҟәа. Ԥхынҷкәынмза 20, 2021 шықәса. Аҧсныпресс.  Аҧсны Аҳәынҭқарра Ахада Аҧсны ажәлар рахь ааҧхьара ҟаиҵеит.

Ҳаҭыр зқәу ҳауаажәлар!

Хара имгакәа ҳтәылеи ҳауаажәлари рзы имариамыз, уадаҩрала  иҭәыз ашықәс ахыркәшарахь инеиуеит.

Аанкылашьа змам ачымазара ҿкы ҳауаажәлар ргәабзиареи рыҧсҭазаареи, асоциал-еконоикатә ҭагылазаашьеи, иааизакны, аҳәынҭқарра аҧҭазаара аганқәа зегьы ирнымҧшыр амуит. Абиуџьеҭ иреиҳау ахәҭак ачымазара ҿкы аҿагыларазы, агәабзиарахьчара асистема ацхыраарахьы идәықәҵоуп. Абри иахҟьаны, жәаҳәарада, егьырҭ аусхкқәа ирыгхеит – урҭ рзы иазҧхьагәаҭаз дара рҟынӡа изымнеиӡеит.

Лара лыкәашара – ҳамҭоуп! 

Маиа Гьерзмааҧҳа: «Асцена – уи даҽа планетак ауп, зынӡа аҽа дунеиуп. Убри азакәхап изырҳәо ауаҩы асценаҿы данықәгылоу дажәӡом ҳәа, избанзар уа иихиго аамҭа иқәрахь иацлаӡом, уа даҽа ҧхьаӡарак цоит». Иҭынчраз акаҳуажәырҭаҿы сгәы хыҭ-хыҭуа сазыҧшын лара лааира. Ганкахьала саргәырӷьон ауаа ахьырацәамыз, амузыка абыжьгьы ахьмаҷыз, избанзар урҭқәа ҳаицәажәара дырманшәалон, аха егьи аганахьала – сгәы абжьы саҳауа аҟынӡа снеит, уи са саҧхьа иҭыҧрааны дабар аҭахызшәа…