17 Лаҵара 2022

Актуальное

АҾЦӘАЖӘАРА

АГӘААНАГАРАҚӘА

Амедиа

« Ажьырныҳәа 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Items filtered by date: Ахаша, 19 Ажьырныҳәа 2022

Аҟәа. Ажьырныҳәамза 19, 2022 шықәса. Аԥсныпресс. Аԥсны адәныҟатәи аусқәа рминистр Инал Арӡынба Аԥсны аус зуа инапхгаратәым жәларбжьаратәи аиҿкаарақәа рхаҭарнакцәа дырԥылеит.  Инал Арӡынба Аԥсны аус зуа аиҿкаара World Vision анапхгаҩы Оксана Лашәриеи ахҵәацәа русқәа рзы Даниатәи Ахеилаки аҳәанҭқарратә мчра аусбарҭақәеи реимадара аиҿкаара азы акоординатор  Ада Џьынџьолиеи, Аԥсны иҟоу Еиду милаҭқәа Реиҿкаара аҿиара Апрограмма (ПРООН) аофис аиҳабы инапынҵақәа назыгӡо Рафис Абазови идикылеит, ҳәа иаанацҳауеит Аԥсны адәныҟатәи аусқәа Рминистрра аофициалтә саит.

Акоординаторцәа рыҿцәажәараан Аԥсны аус зуа жәларбжьаратәи аиҿкаарақәеи  атәыла адәныҟатәи аусқәа Рминистрреи рыбжьара аусеицура иадҳәалоу актуалра злоу азҵаарақәа ирзааҭгылеит. Инал Арӡынба асоциал-економикатә ҿиара, имаҷу ибжьаратәу абизнес ацхыраара аҭара,  аграртә сектор аҿиареи агуманитартә цхыраареи ирзырхоу апроектқәа хра злоу ахәшьара аиҭеит.  Убри аан аминистр Аԥсны инагӡахо апроектқәак алмыршазароуп ҳәа иазгәеиҭеит.

Икьыԥхьуп АЖӘАБЖЬҚӘА

Аҟәа. Ажьырныҳәамза 19, 2022 шықәса. Аԥсныпресс. Аԥсны Ауаажәларратә Палата аҟны  ауаажәларратәии аполитикатәии аусзуҩцәа, арҿиаратә интеллигенциа ахаҭарнакцәа рԥылара мҩаԥысит. Аиԥылара ахыркәшамҭаз  Ауаажәларратә Палата амаӡаныҟәгаҩ Гәыли Кьычба, Аԥсны зҽаԥсазтәыз артист Кьасоу Ҳагба, аԥарақәа Рмузеи адиректор Асҭамыр Ҭаниа, ашәҟәыҩҩы Даур Наҷҟьебиа, Аԥсны аҳәса рассоциациа анапхгараҭара ахантәаҩы Наҭелла Акаба ажурналистцәа ирыҿцәажәеит.   

Гәыли Кьычба: «Аиԥылара алахәылацәа ииашаны  ргәаанагарақәеи рхәыцрақәеи ҳарҳәеит. Ҳаԥхьаҟа анапхгареи аоппозициеи ауаажәларреи рхаҭарнакцәа алархәхны аиԥш-зеиԥшу аконсультациақәа мҩаԥгахоит. Арҭ аиԥыларақәа реихшьаалақәа рыла Амеморандум еиқәыршәахоит. Уи зегьы ражәалагалақәеи ргәаанагарақәеи анылоит».

Икьыԥхьуп АЖӘАБЖЬҚӘА

Аҟәа. Ажьырныҳәамза 19, 2022 шықәса. Аԥсныпресс. Аԥсны аҵарадырреи абызшәатә политикеи рминистр Инал Габлиа ажурналистцәа арҵагашәҟәқәа актәи апартиа аагареи, уи иарбан раионқәоу иззоужьхо атәы рзеиҭеиҳәеит.

Аминистр ареспублика азы ас еиԥш акыр зҵазкуа азҵаара  – аҵара асистема ашколтә литература ала аиқәыршәара аҿы адгылара ҟазҵаз зегьы иҭабуп ҳәа реиҳәеит.

«Сынтәа ҳара арҵагашәҟәқәа рыҭара ҳалагахьеит. Иҳауит 17маҭәар рзы 161 нызықь инареиҳаны ашәҟәқәа. Иарбоу асиа аҿы иҟоуп  71 хкы. Иааизакны аидара  55 916 кьыла иҟоуп, уи ахәԥса  61 млн. рҟынӡа инаӡоит.  Ҳарҵаҩцәеи ҳашкол адиректорцәеи ҳареи Ашықәс Ҿыц аламҭалазы иҳауз хәызмаӡам аҳамҭа даара ҳаҭыр ақәҵаны иҳадаҳкылеит. Агәра згоит ахәыҷқәагьы ҷыдала Аԥсны азы иҭыжьу ари алитература ҿыц ала гәахәарыла аҵара шырҵало. Хәышықәса иреиҵамкәа ҳара арҭ арҵагашәҟәқәа ишахәҭоу ала  рныҟәгара алҳаршароуп. Сара ашколқәа рдиректорцәа срыҿцәажәахьеит. Арҵаҩцәеи ахәыҷқәа рҭаацәеи арҵагашәҟәқәа анаҩс урҭ иааиуа аҵарашықәсқәа рзы ахархәаразы реиқәырхаразы ахьҟа рыҭаны  аҟаҵара аҿы ацхыраара иазхиоуп», - ҳәа иҳәеит Инал Габлиа.

Икьыԥхьуп АЖӘАБЖЬҚӘА

Аҟәа. Ажьырныҳәамза 19, 2022 шықәса. Аԥсныпресс. Аԥсны атәылахьчара Аминистрра аҿы арратә психофизиологиа аганахьала аусура амҩаԥгара азнеишьа ҿыцқәа рӡыргара мҩаԥысит, ҳәа иаанацҳауеит Атәылахьчара Аминистрра аофициалтә саит.  Арратә, аморал-психологиатә зыҟаҵара апсихолог, акаԥдан Нина Кәакәасқьыр апсихофизиологиатә тестҟаҵара иазку аиқәыршәагақәа ирыҵоу аҵакы ахадара дазааҭгылеит. Аппаратқәа «Психофизиолог», «БОС-терапиа» арратә психолог иусура аҿы  акыр ицхыраагӡа дуны иҟоуп ҳәа иазгәалҭеит лара. Апсихолог иарбоу иҿыцу аппаратқәа атәылахьчара Аминистрра аусура аҿы ралагалара азы   ажәалагала ҟалҵеит.

Икьыԥхьуп АЖӘАБЖЬҚӘА

Аҟәа. Ажьырныҳәамза 19, 2022 шықәса. Аԥсныпресс. Акассациатә инстанциа аӡбарҭа Баҭал Ҵәыџьба иганахьала уаанӡа иалхыз абахҭаҿы иҭакрала ахьырхәра жәабранза 22, 2022 шықәсанӡа аҩнытә баандаҩрала иаԥсахит.

Ажьырныҳәамза 19, 2022 шықәса рзы Аԥсны Иреиҳаӡоу аӡбарҭа ашьауӷатә усқәа рзы Акассациатә коллегиа Аҟәатәи аӡбарҭа ажьырныҳәамза  11, 2022 шықәсазы Баҭал Ҵәыџьба ихьырхәра алхразы иаднакылаз аӡбамҭа аԥыхразы аӡбамҭа аднакылеит. Иарбоу акассациатә коллегиа ахантәаҩыс дамоуп аӡбаҩ Мимоза Цушба, аилазаараҿы иҟоуп аӡбаҩцәа Роман Кәарҷиа, Маиа Кәыҵниа.

Икьыԥхьуп АЖӘАБЖЬҚӘА

Аҟәа. Ажьырныҳәамза 19, 2022 шықәса. Аԥсныпресс. Ашьапылампыл азы аԥснытәи аҳәынҭқарратә Университет акоманда Асоветеидгылазегьтәи акатегориа змоу аӡбаҩ Пиотр Гаврилиади игәалашәара иазкны Шәача ақалақь аҿы имҩаԥысраны иҟоу иаарту атурнир аҽазыҟаҵара аҳәаақәа ирҭагӡаны актәи аҽазыҟаҵара мҩаԥнагеит, ҳәа иаанацҳауеит аҿари аспорти рзы аҳәынҭқарратә Еилакы апресс-маҵзура.

Аҽазыҟаҵара мҩаԥысит ажьырныҳәамза 18 рзы аҟәатәи астадион «Динамо» аҿы.  Акоманда атурнир алахәхаразы иазыҟарҵоит Максим Никитски, Алексеи Иваненкои Витали Федоренкои.

Икьыԥхьуп АЖӘАБЖЬҚӘА
ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me