04 Ԥхынкәын 2021

Items filtered by date: Ашәахьа, 18 Жьҭаара 2021

Аҟәа. Жьҭаарамза 18, 2021 шықәса. Аԥсныпресс. Иҳаҩсыз уахыки-ҽнаки рыла акоронавирустә ҿкы чымазара азы агәаҭара иахысит 505-ҩык, COVID-19 азы адиагноз 151-ҩык рҿы  ишьақәыргылоуп, ҳәа адырра ҟанаҵоит ауааԥсыра акоронавирустә ҿкы чымазара рацәыхьчара азы Аоперативтә Штаб.

Гәдоуҭатәи араионтә хәышәтәырҭа Хада  аҿы ишьҭоуп 93 – ҩык апациентцәа, 21-ҩык ргәабзиара аҭагылазаашьа акыр иуадаҩуп, 27 -ҩык апациентцәа рҭагылазаашьа бжьаратәуп. Аҟәатәи аинфекциатә хәышәтәырҭа аҿы ишьҭоуп 41-ҩык апациентцәа, 10-ҩык ргәабзиара аҭагылазаашьа акыр иуадаҩуп, Очамчыратәи араионтә хәышәтәырҭа Хада аҿы – 18-ҩык, Гагратәи араионтә хәышәтәырҭа Хада аҿы – 34, 5-ҩык, ргәабзиара аҭагылазаашьа акыр иуадаҩуп, Ҭҟәарчалтәи араионтә хәышәтәырҭа Хада аҿы ишьҭоуп – 14  - ҩык апациентцәа. Аҟәа ақалақь аҿы аус зуа Урыстәылатәи арратә хәышәтәырҭа аҿы ишьҭоуп 96  -ҩык апациентцәа, урҭ рахьынтә  12 – ҩык ргәабзиара аҭагылазаашьа акыр иуадаҩуп.

Икьыԥхьуп АЖӘАБЖЬҚӘА

Аҟәа. Жьҭаарамза 18, 2021 шықәса. Аԥсныпресс. Аԥсны Иреиҳаӡоу аӡбарҭа Алмасхан Арӡынба ихымҩаԥгашьа ацәгьоура аҟазшьақәа аныԥшуеит ҳәа алкаа ҟанаҵеит.  Лииа Адлеиба, Роман Кәарҷиа, Есма Қорсаиа зеилазаараҿы иҟоу Иреиҳаӡоу аӡбарҭа Аӡбаратә коллегиа, жьҭаарамза  18, 2021 шықәса рзы Аԥсны Аҳәынҭқарра апрокурор Хада Адгәыр Агрба Жәлар Реизара-Апарламент адепутат Алмасхан Арӡынба иганахьала иҟаиҵаз  адырранҵа ишақәшаҳаҭу азы аӡбамҭа рыдыркылеит.  

Аԥсны апрокурор Хада Адгәыр Агрба иҟаиҵаз адырранҵа ала, жьҭаарамза 1 ауха Аҟәа ақалақь, аҩныҵҟатәи аусқәа Рминистрра ахыбра аҿаԥхьа ихысуаз Алмасхан Арӡынба ихымҩаԥгашьа, Аԥсны Ашьаустә Закәанеидкыла ахәҭаҷ   207, ахәҭа 1 (амбжьахра), ахәҭаҷ  217, ахәҭа 1 (иҭҟьо абџьар изакәанымкәа аахәара, аҵәахра, аныҟәгара) инақәыршәаны ацәгьоура аҟазшьақәа аныԥшуеит.

Икьыԥхьуп АЖӘАБЖЬҚӘА

Аҟәа. Жьҭаарамза 18, 2021 шықәса. Аԥсныпресс. Атуризм аминистр Теимураз Хышба Москваҟа иусуратә ҭаара аҳәаақәа ирҭагӡаны абгаԥсатә усхкы аиӷьтәра азы ажәалагалақәа реиқәыршәара иазку аусуратә гәыԥ алахәылацәа дырԥылеит.

Ари Афедералтә Агентра «Урыстәыла атуризм» Ауаажәлаарратә хеилак ахаҭарнакцәеи урыстәылатәи абгаԥсаҩцәеи алархәны абгаԥса иазкы имҩаԥысыз раԥхьаӡатәи аусуратә еилатәароуп.

Аусуратә еиԥылара аҳәаақәа ирҭгӡаны ирылацәажәеит 2021 шықәсатәи атуристтә аамҭахәҭа аихшьаалақәеи Урыстәыла атәылауаа   Аԥсны рыԥсшьараамҭа азы рыбгаԥса аиҿкаара иадҳәалоу азҵаарақәеи.

Аиԥылара иалахәыз Аԥсны амедицинатә цхыраара аҭара иадҳәалоу азҵаарақәа рзы астатистикатә информациа ала аимдара мҩаԥысит. Урыстәылатәи атуристтә еилазаарақәа ареспублика иаҭаауа атуристцәа ирыднагало  абгаԥсатә аалыҵ ҳәа изышьҭоу азарал, аԥхасҭа, мамзаргьы ааха аиураан уи амцхәра аҭара, ахарҭәаара азы абгаԥсатә фонд аҟынтәи азоужьразы иазыԥҵәоу аматериалтә рбзазага ашәагаа иалацәажәеит.

Икьыԥхьуп АЖӘАБЖЬҚӘА

Аҟәа. Жьҭаарамза 18, 2021 шықәса. Аԥсныпресс. Аԥсны Иреиҳаӡоу аӡбарҭа Гарри Кокаиа ихымҩаԥгашьа ацәгьоура аҟазшьақәа аныԥшуеит ҳәа алкаа ҟанаҵеит.  Лииа Адлеиба, Роман Кәарҷиа, Есма Қорсаиа зеилазаараҿы иҟоу Иреиҳаӡоу аӡбарҭа Аӡбаратә коллегиа, жьҭаарамза  18, 2021 шықәса рзы Аԥсны Аҳәынҭқарра апрокурор Хада Адгәыр Агрба Жәлар Реизара-Апарламент адепутат Гарри Кокаиа иганахьала иҟаиҵаз  адырранҵа ишақәшаҳаҭу азы аӡбамҭа рыдыркылеит. 

Аԥсны апрокурор Хада Адгәыр Агрба иҟаиҵаз адырранҵа ала, цәыббрамза 30 ауха Аҟәа ақалақь, Амҳаџьыраа Рыԥшаҳәа аҿы иҟалаз аинцидент ала Жәлар Реизара-Апарламент адепутат Гарри Кокаиа ихымҩаԥгашьа  Аԥсны Ашьаустә Закәанеидкыла ахәҭаҷ 207 ахәҭа 1 (амбжьахра), ахәҭаҷ   321 ахәҭа 1 (амчра ахаҭарнак ихьӡ аоарҟәра, ишакум изныҟәара) инақәыршәаны ацәгьоура аҟазшьақәа аныԥшуеит.

Икьыԥхьуп АЖӘАБЖЬҚӘА

 Аҟәа. Жьҭаарамза 18, 2021 шықәса. Аԥсныпресс. Жьҭаарамза 17 рзы ашьапылампыл азы Шәача ақалақь ачемпионат ахыркәшаратә, «ахьтәы матч» ҳәа зуҳәар алшо аматч мҩаԥысит.   Аматч аҿы еиԥылеит Аҟәатәи аҳәынҭқарратә Университет акомандеи Шәача ақалақь акоманда «Леони», ҳәа иаанацҳауеит Аԥсны аспорт азы аҳәынҭқарратә Еилакы.

Актәи аетап аҿы акоманда «Леон» ААУ акоманда  асчиот 3:1 ала иаиааит- уи иабзоураны акоманда «Леон» аматч иачемпионхарц азы ахәмарра еиҭахарала инҵәар азхон.  ААУ акоманда азы иарбан счиотзаалак ала акәзаргьы аиааира хымԥадатәиин. 

Аматч алагара инаркны еилкаахеит, аҩ-командак аиааира гәҭакыс иаман. Актәи ампыл аматч ахԥатәи аминуҭ аан «Леон» акоманда ахәмарҩы иҭаиршәит.

ААУ -  алига аҿы зегьы раасҭа ампылқәа ҭазыршәуа командоуп (иааизакны аматч азы ашьапылампыласҩцәа 3,3 гол ҭадыршәуан), ахәҭакахьала «Лион» - еиӷьу ахьчара змоу акоманда ауп. (иааизакны матчк иалагӡаны рымба иҭадыршәуан 1,1).  Аҩ-командак  13 матч мҩаԥыргахьеит, урҭ рахьынтә  10 матчк иааирала ихыркәшахеит.

Икьыԥхьуп АЖӘАБЖЬҚӘА

Аҟәа. Жьҭаарамза 18, 2021 шықәса. Аԥсныпресс.  Аԥсны Аҳәынҭқарра Ахада Аслан Бжьаниа цәыббрамза 29 рзы Жәлар Реизара-Апарламент аҿы ирыдыркылаз «Аԥсны Аҳәынҭқарра аҿы ахшәаарақәа рымҩаԥгараан аконтрол-кассатә техника ахархәара азы» Азакәан инапы аҵаиҩит.

Иарбоу азакәан ала, хазхаҭалатәи аусдкылаҩцәагьы уахь иналаҵаны, ахархәаҩцәа рзинқәеи аиуристтә хаҿқәеи хазхаҭалатәи ахаҿқәеи ринтересқәеи рыхьчара, ахшәаарақәа рымҩаԥгара азы ишьақәыргылоу аԥҟарақәа рықәныҟәара, ашәахтәқәҵара амҩаԥгара азы аиуристтә хаҿқәеи хазхаҭалатәи аусдкылаҩцәеи рхашәалахәы рҳасабркреи  хықәкыс иҟаҵаны аконтрол-кассатә техника аԥҟарақәа шьақәнарӷәӷәоит.

Аԥсны иахьаҵанакуа аиуристтә хаҿқәеи хазхаҭалатәи аусдкылаҩцәеи рзы ахшәаарақәа рымҩаԥгараан Аминистрцәа Реилазаара аҿы ишьақәырӷәӷәоу аконтрол-кассатә техника хымԥада ахархәара аҟынтәи иақәиҭызтәуа аҵаҵӷәқәа рсиа иазԥхьагәанаҭо ахҭысқәа уахь иналамҵакәа, аконтрол-кассатә техника ахархәара хымԥадатәуп.

Икьыԥхьуп АЖӘАБЖЬҚӘА

Аҟәа. Жьҭаарамза 18, 2021 шықәса. Аԥсныпресс. Аусура зылшо Аԥсны атәылауаҩык изы ахныҟәгаратә минимум ахәԥса жьҭаарамза  1, 2021 шықәсазы 8105,6 мааҭ рҟынӡа инаӡеит, ҳәа адырра ҟанаҵоит Аԥсны астатистика азы аҳәынҭқарратә Еилакы.  Иарбоу аицҵалыҵ иалагалоуп афатә-ажәтә атауарқәа – 5544,2 мааҭ, ааглыхратә тауарқәа – 1588,7 мааҭ, зыхә ршәо амаҵзурақәа, ашәахтәқәа, ихымԥадатәиу ашәатәқәа – 972,7 мааҭ.

Ахныҟәгаратә минимум ашәагаа иҳаҩсыз ашықәс аиԥш-зеиԥшу аамҭахәҭа иаҿырԥшны уахәаԥшуазар, 14,6 % рыла еиҳахеит.

Атауарқәеи ауааԥсыра рзы инагӡахо зыхә ршәо амаҵзурақәеи рзы ахархәаратә хәыԥсақәеи атарифқәеи еизаку риндекс 2021 шықәса алагамҭа инаркны 106,7% рҟынӡа инаӡеит, афатә-ажәтә атауарқәагьы уахь иналаҵаны – 106,2%, ааглыхратә тауарқәа – 109,0%, ауааԥсыра рзы инагӡахо зыхә ршәо амаҵзурақәа – 106,5%.

Икьыԥхьуп АЖӘАБЖЬҚӘА

Аҟәа. Жьҭаарамза 18, 2021 шықәса. Аԥсныпресс. Аԥсны ашколқәа рҿы асанитар-епидемиологиатә ҭагылазаашьа ҭышәынтәалоуп, ҳәа Аԥсныпресс акорреспондент диҿцәажәо иазгәеиҭеит Аԥсны аҵареи абызшәатә политикеи Рминистрра ауаажәларра рымадара азы аҟәша аиҳабы Аслан Кәыҭелиа.

Уи иҟаиҵаз адыррақәа рыла, жьҭаарамза 18 рзы 28 нызықьҩык аҵаҩцәа рҟынтәи аҽыԥхьакра арежим нарыгӡоит  252-ҩык, урҭ рхыԥхьаӡараҿы иҟоуп COVID-19 азы здиагноз шьақәырӷәӷәахаз, иара убас ачымазара зҽаҽыз ахәыҷқәа ирыҽцаауаз ахәыҷқәа. Акоронавирустә ҿкы чымазара аарԥшуп 85 –ҩык арҵаҩцәа рҿы.  

4 нызықь-ҩык арҵаҩцәа рҟынтәи 500-ҩык авакцинациа иахысит.  

«Иахьазы ҩ-школк роуп иарку, уи Очамчыра араион Кәтол ақыҭеи Ҷлоу ақыҭеи рҿы  иҟоу ашколқәа роуп.  Арҭ ашколқәа рҿы аҵара зҵо аҵаҩцәа рхыԥхьаӡара  рацәаӡам, урҭ рыбжьара ачымазара злаҽыз ахьалкааз инамаданы, аепидемиологцәа аамҭала ашколқәа раркра азы абжьгара ҟарҵеит», - ҳәа адырра ҟаиҵеит Аслан Кәыҭелиа.

Икьыԥхьуп АЖӘАБЖЬҚӘА

Аҟәа. Жьҭаарамза 18, 2021 шықәса. Аԥсныпресс. Гагра араион Бзыԥ аҳаблаҿы, Ашьхарыуаа рымҩаду ала игылоу ахатәы ҩны амца акит, ҳәа адырра ҟанаҵоит Аԥсны иҷыдоу аҭагылазаашьақәа рзы Аминистрра апресс-маҵзура.

Икьыԥхьуп АЖӘАБЖЬҚӘА

Аҟәа. Жьҭаарамза 18, 2021. Аԥсныпресс.  Жьҭаарамза 17 рзы Краснодар ақалақь аҿы аҽырҩратә сезон аркра мҩаԥысит. Иарбоу аусмҩаԥгатә аҿы аԥснытәи аҽааӡаҩ Ахра Ашәба иҽыҩқәа аԥхьахә ҭыԥқәа ааныркылеит, ҳәа адырра ҟанаҵоит Аԥсны аспорт азы аҳәынҭқарратә Еилакы.

 Вронски ҳәа ахьӡ змоу краснодартәи аҽыҩ аҩбатәи аҭыԥ ааннакылеит, Павловтәи араион ахьӡала иаԥҵоу аҳамҭа анашьахеит, Старк ҳәа ахьӡ змоу аҽыҩ – аҽырҩратә сезон Аркра аҿы ахԥатәи аҭыԥ ааннакылеит.  

Икьыԥхьуп АЖӘАБЖЬҚӘА

Аҟәа. Жьҭаарамза 18, 2021 шықәса. Аԥсныпресс. Жьҭаарамза 11 – 17 рзы Гагра ақалақь аҿы имҩаԥысуан атурнир «Ахьтәы ҭагалан». Уи рхы аладырхәит Урыстәылеи Аԥсни рҟынтәи  30-ҩык инарзынаԥшуа аԥкьаҭмпыласыҩцәа, ҳәа иаанацҳауеит Аԥсны Аҳәынҭқарра аспорт азы аҳәынҭқарратә Еилакы.  

9 шықәса рҟынтәи  10 шықәсанӡа зхыҵуа ақәратә категориа иаҵанакуа Аԥснытәи арԥарцәа  рыбжьара  актәи аҭыԥ ааникылеит Сабри Нанба (азыҟаҵаҩ  Елизабет Акәыциа), ахԥатәи - Алеқсандр Ешба (азыҟаҵаҩцәа - Родион Беииа, Саид Бебиа); аҭыԥҳацәа рыбжьара ахԥатәи аҭыԥ анылкылеит Даниелла Гәымба (азыҟаҵаҩ  Елизабет Акәыциа). 

15 шықәса рҟынӡа зхыҵуа ақәратә категориа иаҵанакуа арԥарцәа рыбжьара актәи аҭыԥ ааникылеит  Асҭамыр Кациа (азыҟаҵаҩ  Артур Татевосиан); аҭыԥҳацәа рыбжьара актәи аҭыԥ аанылкылеит Алла Траиста (азыҟаҵаҩцәа  Саид Бебиа, Родион Беииа), аҩбатәи аҭыԥ аанылкылеит Софиа Агәмаа (азыҟаҵаҩ   Елизабет Акәыциа).

Икьыԥхьуп АЖӘАБЖЬҚӘА
ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me