Items filtered by date: Ахаша, 17 Цәыббра 2025

Аҟәа. Цәыббрамза 17, 2025 шықәса. Аԥсныпресс.  Аԥсны Аҳәынҭқарра Ахада Ҭаҭарсҭанынтәи аделегациа идикылеит. Аиԥылара иалахәын Ахада ихаҭыԥуаҩ Беслан Бигәаа, Ахада Иусбарҭа анапхгаҩы Беслан Ешба, акультура аминистр Даур Ақаҩба. Абри азы адырра ҟанаҵоит Аҳәынҭқарра Ахада ипресс-маҵзура. 

Аҟәа. Цәыббрамза 17, 2025 шықәса. Аԥсныпресс. Пицунда аспорттә комплекс ҿыц дыргылараны иҟоуп.

Пицунда ақалақь ахада Рустам Агрба Аҳәынҭқарра Ахада ақалақь-акурорт агәаҿы аспорттә комплекс аргыларазы аҽазыҟаҵаратә усурақәа рылагаларазы иҟаиҵаз анапынҵа анагӡара шымҩаԥысуа атәы еиҭеиҳәеит.

«Идыргылараны иҟоу акомплекс аҵакырааҿы арыцқьареи агәамсам ақәгареи ирылагахьеит. Аамҭа кьаҿ иалагӡаны апроект азы ахарџьынҵатә усшәҟәқәа еиқәыршәахоит», – ҳәа иҳәеит иара.

Аҟәа. Цәыббрамза 17, 2025 шықәса. Аԥсныпресс. Цәыббрамза 12 рзы Ареспублика Аԥсны Ауаажәларратә Палата аҿы алхратә закәанԥҵара ареформа амҩаԥгара азҵаара иазкны  аполитикатә партиақәеи ауаажәларратә еиҿкаарақәеи рнапхгаҩцәа реиԥылара мҩаԥысит.

Жәлар Реизара-Апарламент азинтә система арҿыцра иазырхоу аусура иахәҭакны иҟоу, аҳәынҭқарра азы ас еиԥш акыр зҵазкуа азҵаара ала аконструктивтә дискуссиеи агәаанагарақәа реимдареи иадгылоит.  

Убри аан, адепутатцәа реилазаара агәаанагарала, аиԥылараҿы  «Апарламент алхратә закәанԥҵара азҵаара ала апозициа аганахьала акала ишьаҭаркымыз, иаамсҭашәамыз аҳәамҭақәа   ҟаҵан».

«Апарламент  ареформа ихадоу аҿагылаҩны иҟоуп, адепутатцәа рхы иазеиӷьу мацара иашьҭоуп» ҳәа аҳәамҭақәа акала ишьақәырӷәӷәам, абжьахәаахәҭратә ҟазшьа змоу цәажәарақәоуп.

Аҟәа. Цәыббрамза 17, 2025 шықәса. Аԥсныпресс. Аԥснытәи аҳәынҭқарратә сахьатә галереиа аҿы иҟалаз абылра ашьҭахь урыстәылатәи асахьаҭыхыҩ Ксениа Тараканова рвԥхьаӡатәи сахьаҭыхҩуп, афонд аиҭашьақәыргылараҿы ацхыраара аҭара гәҭакыс иҟаҵаны зусумҭақәа хәба: «Аԥхынтәи агәалаҟазаара» («Летнее настроение» ), «Амшын аҿықәан аԥсшьара» («Отдых у моря»), «Акипарисқәа раллеиа» («Кипарисовая аллея»), «Ақәыԥшра»(«Юность»), иара убас «Абстракциа» («Абстракция») агалереиа афонд ҳамҭас иазҭаз.

Аҟәа. Цәыббрамза 17, 2025 шықәса. Аԥсныпресс. Аԥыза-министр ихаҭыԥуаҩ, аҩныҵҟатәи аусқәа рминистр Роберт Кьиут   - хазхаҭалатәи акәылӡхьчара ахархәагақәа раԥҵареи рҭыжьреи назыгӡо урыстәылатәи анаука-ааглыхратә наплакы «КлАСС» даҭааит.   

Аҟәа. Цәыббамза 17,  2025 шықәса. Аԥсныпресс. Аҟәа ақалақь аҿы акцизатә дыргақәа змамыз 234 ҭоԥ инареиҳаны асигареҭақәа рымхра мҩаԥыргеит.

Сухум. 17 сентября 2025. Апсныпресс. Восемь аппаратов для майнинга криптовалют изъяли в Мархяуле. 

Сотрудники отдела внутренних дел Гулрыпшского района обнаружили два объекта, используемые для добычи криптовалюты, сообщает пресс-служба МВД. 

Аҟәа. Цәыббрамза 17, 2025 шықәса. Аԥсныпресс. Акриптовалиута амаининг азы аппаратқәа ааба рыԥшааит Мархьаул ақыҭан.

Гәылрыԥшь араион аҩныҵҟатәи аусқәа Русбарҭа аусзуҩцәа акриптовалиута арҳара иазку ҩ-обиектк рыԥшааит, ҳәа адырра ҟанаҵоит Аҩныҵҟатәи аусқәа Рминистрра апресс-маҵзура.

Аҟәа. Цәыббрамза 17, 2025 шықәса. Аԥсныпресс. Аҳәынҭқарра Ахада Апарламент ахь инаишьҭит атәанчаҩцәа иалкаау ркатегориақәа рзы атәанчахәы ашьҭыхра иазку азакәан апроект.

Аиааиреи Ахьыԥшымреи рымш аламҭалазы 1992-1993 шш. Аԥсны Аџьынџьтәылатә еибашьра аветеранцәеи иҭахаз рҭаацәеи асоциалтә цхыраара рыҭаразы ауснагӡатәқәа рырӷәӷәара хықәкыс иҟаҵаны, аҳәынҭқарра Ахада Гәынба Бадра Апарламент ахь инаишьҭит атәанчаҩцәа иалкаау ркатегориақәа рзы атәанчахәы ашьҭыхра иазку азакәан апроект. Абри азы адырра ҟанаҵоит Аҳәынҭқарра Ахада ипресс-маҵзура. 

Аҟәа. Цәыббрамза 17, 2025 шықәса. Аԥсныпресс. Аԥыза-министр ихаҭыԥуаҩ  Вараздат Миносиани ақыҭанхамҩа аминистр Беслан Џьопуеи Очамчыреи Гәылрыԥшьи араионқәа рҿы аус зуа аграртә наплакқәак ирҭааит. Абри азы адырра ҟанаҵоит аминистрцәа Реилазаара апресс-маҵзура.