Акы иаламҩашьо аусуратәи хаҭашьалатәи аҟазшьақәа рыла зҽалызкаауаз  Сергеи Уасил-иԥа, дзызҟазаз иуси имаз аинтересқәеи гәыкала дрызнеиуан, иара ааԥсарак ҟамҵаӡакәа ари аспортхкы адгылара аиҭон, уи аҿар рыбжьара апопулиаризациа азы иҟаиҵоз даара ирацәан.   

Игәоумҭар залшом, иахьа ари ауаҩ шьахә аспорт аидеалқәа рырӷәӷәара аҿы илагамҭа ҳаҭырқәҵарала агәалашәара Аԥсни Урыстәылеи рыжәларқәа ргәаҵаҿы иаанханы ишыҟоу, уи даара гәахәара дууп.   

Уи игәалашәара аҳаҭыр азы ихьӡ зху Ахраҿа агаразы инеиԥынкыланы имҩаԥгахо амҵәышәмпылтә турнирқәа аӡәырҩы амҵәышәмпылтә плошьадка аҿы ахаарԥшреи  активла агәабзиара аиҷаҳарала анхашьа аҽаршьцылареи рзы зеиӷьаҟам алшара рзаҵнаҵоит!» – ҳәа иаҳәоит ашәҟәы атекст аҿы.