Иарбоу арратә зыҟаҵарақәа рхы аладырхәуеит Аԥсны Арбџьармчқәа архәҭақәеи аҟәшақәеи аҟәшеиҵақәеи, ареспублика амчратә структурақәа иҷыдоу аҟәшеиҵақәа, иара убас арезервтә хәҭақәа рыруаа.
«Арратә зыҟаҵарақәа раан арратә зыҟаҵара иазку аусмҩаԥгатәқәа реиҿкаареи рымҩаԥгареи аҿы хра злоу адинамика шыҟоу азгәаҭатәуп», – ҳәа адырра ҟанаҵоит атәылахьчара Аминистрра апресс-маҵзура.
11.Хәажәкыр.2024
Аԥсны Арбџьармчқәа ркомандаҟаҵара-штабтә зыҟаҵарақәа мҩаԥысуеит..
Аҟәа. Хәажәкырамза 11, 2024 шықәса. Аԥсныпресс. Хәажәкырамза 5 инаркны Аԥсны Арбџьармчқәа ркомандаҟаҵара-штабтә зыҟаҵарақәа мҩаԥысуеит.
Арратә зыҟаҵарақәа рхықәкы хаданы иҟоуп – акризистә ҭагылазаашьақәа раан архәҭақәа рырратә хыдҵақәа рынагӡараан реиқәшәазаареи рырратә занааҭдырра аҩаӡара ашьҭыхреи.
