Атуризм аусхкы аҿы аусеицура иалацәажәеит Аԥсны атуризми аекономикеи рминистрцәеи Акционертә Еилазаара «КАВКАЗ.РФ» анапхгараҭара ахаҭарнакцәеи.

13.Хәажәкыр.2024

Атуризм аусхкы аҿы аусеицура иалацәажәеит Аԥсны атуризми аекономикеи рминистрцәеи Акционертә Еилазаара «КАВКАЗ.РФ» анапхгараҭара ахаҭарнакцәеи.

Аҟәа. Хәажәкырамза 13, 2024 шықәса. Аԥсныпресс. Иахьа Москва ақалақь аҿы Аԥсны аԥыза-министр ихаҭыԥуаҩ, аекономика аминистр Кристина Озгани Аԥсны атуризм аминистр Ҭеимураз Хишбеи Акционертә Еилазаара «КАВКАЗ.РФ» адиректор Андреи Иумшанови реиԥылара мҩаԥысит, ҳәа адырра ҟанаҵоит Аԥсны аекономика Аминистрра апресс-маҵзура.

Аиԥылара иара убас рхы аладырхәит Акционертә Еилазаара «КАВКАЗ.РФ» анагӡаратә директор Ҳасан Тимижеви Урыстәыла аекономикатә ҿиара Аминистрра иҷыдоу апроектқәеи апрогаммақәеи русбарҭа анапхгаҩы ихаҭыԥуаҩ Пиотр Пантиухови.

«КАВКАЗ.РФ» Нхыҵ-Кавказтәи афедералтә округ аҿы активла атурист-рекреациатә хырхарҭала аусура нанагӡоит.

Аганқәа атуризм аусхкы аҿы аусеицура алыршареи аусеицура ахырхарҭақәа ралкаареи ирыдҳәалоу азҵаарақәа жәпакы ирылацәажәеит.

Read 312 times - Аԥшьаша, 14 Хәажәкыр 2024 00:02