Алхрақәа активла имҩаԥысит, абжьыҭиразы иааиуаз атәылауаа рхыԥхьаӡара рацәан. «Абжьыҭира ҳәа иааиуаз ауаа рхыԥхьаӡара даара ирацәоуп. Алхрақәа ҭышәынтәаланы имҩаԥысуан. Ахәылбыҽха асааҭ 20:00 аҟалара минуҭқәак шагызгьы ауаа шааиц ааира иаҿын», -ҳәа иазгәеиҭеит Аҟәатәи абжьаратәи ашкол №10 аҟны иҟоу алхырҭатә ҭыԥ №8000 алхратә комиссиа ахантәаҩы Максим Литвинов.
17.Хәажәкыр.2024
Аԥсны имҩаԥысуаз Урыстәылатәи Афедерациа Ахада иалхрақәа хыркәшоуп.
Аҟәа. Хәажәкырамза 17, 2024 шықәса. Аԥсныпрес. Асааҭ 20:00 рзы Аԥсны араионқәа зегьы рҟны ашьыжь асааҭ 08:00 инаркны аус зуаз алхырҭатә ҭыԥқәа 30 аркхеит. Аҭыԥантәи алхратә комиссиақәа абжьқәа рыԥхьаӡара иалагеит.
Алхратә комиссиа алахәылацәа еилагарак ыҟан ҳәа азгәаҭам рҳәеит.
