«Шәара қәҿиарала шәҵара хшәыркәшеит, уажәы шәгәы хыҭ-хыҭуа аттестатқәа раиура шәазыԥшуп. Арҵаҩцәа ишәыдырбалаз аџьабаа азы иҭабуп ҳәа расҳәарц сҭахуп. Аԥсны есымша абаҩхатәра злоу ауаа рыла ибеиан. Зегьы ишәыдысныҳәалоит иахьатәи амш!», - ҳәа иҳәеит Авҭандил Сурманиӡе.  

Аттестатқәа рыҭара иазку ацеремониа алагаанӡа аушьҭымҭацәеи урҭ рҭаацәеи рырҵаҩцәеи рзы асценаҿы иқәгылеит Л. Џьергениа ихьӡ зху Ахәыҷтәы мукыкатә школ аҟынтәи  Елина Лазба, Амина Абыхәба, Милана Смыр, Тигран Авџьиан, иара убас Т. Аџьапуа ихьӡ зху аҟазара Ашкол аҟынтәи ахореографиатә ансамбль.