Ашәарҭадара Ахеилак аилатәара иалахәын аԥыза-министр Алеқсандр Анқәаб, Аԥсны Жәлар Реизара – Апарламент Аиҳабы Лаша Ашәба, Аҳәынҭқарра Ахада Иусбарҭа анапхгаҩы Абесалом Кәарҷиа, Ашәарҭадара Ахеилак Амаӡаныҟәгаҩ Сергеи Шамба, апрокурор Хада Адгәыр Агрба, атәылахьчара аминистр Владимир Ануа, Аԥсны Арбџьар мчқәа Рыштаб Хада Аиҳабы, атәылахьчара аминистр актәи ихаҭыԥуаҩ Владимир Савченко, аҩныҵҟатәи аусқәа рминистр Роберт Киут, Аҳәынҭқарратә хьчара амаҵзура Аиҳабы Дбар Дмитри, Аҟәа ақалақь ахада Беслан Ешба.
26.Рашәара.2024
Аслан Бжьаниа Ашәарҭадара ахеилак изаамҭанытәиу аилатәара мҩаԥигеит.
Аҟәа. Рашәарамза 26, 2024 шықәса. Аԥсныпресс. Аԥсны Ахада Аслан Бжьаниа Ашәарҭадара ахеилак изаамҭанытәиу аилатәара мҩаԥигеит.
Ашәарҭадара амаҵзура алахәцәа аҳәынҭқарра аҩныҵҟатәии адәныҟатәии аполитиказы иактуалтәу азҵаарақәа ирылацәажәеит. Адискуссиа аҳәаақәа ирҭагӡаны иазааҭгылеит Аԥсны Аҳәынҭқарраҟны арратә ԥхықәреи арратә маҵзуреи рзы азакәанԥҵара аиӷьтәра азҵаара. Ирыхәаԥшит арратә маҵзурахьы аԥхьара аҩаӡара ашьҭыхра азҵаарагьы.
