Мариитәи аопереи абалети ртеатр аспектакль «Ромеои Џьулиеттеи» нанҳәамза 1 азы Аԥснытәи аҳәынҭқарратә филармониа асцена аҿы иддырбоит.

30.Ԥхынгәы.2024

Мариитәи аопереи абалети ртеатр аспектакль «Ромеои Џьулиеттеи» нанҳәамза 1 азы Аԥснытәи аҳәынҭқарратә филармониа асцена аҿы иддырбоит.

Аҟәа. Ԥхынгәымза 30, 2024 шықәса. Аԥсныпресс. Нанҳәамза 1 азы, апроект «Урыстәылеи Аԥсни реимадаратә акультуратә усмҩаԥгатәқәа» аҳәаақәа ирҭагӡаны, Р.Гәыба ихьӡ зху Аԥснытәи аҳәынҭқарратә филармониа асцена аҿы, Ерик Сапаев ихьӡ зху Мариитәи аҳәынҭқарратә академиатә аопереи абалети ртеатр аспектакль «Ромеои Џьулиеттеи» ахәаԥшра мҩаԥгахоит.

Атеатр асахьаркыратә напхгаҩы, абалетмеистр Константин Иванови асахьаҭыхҩы Борис Голодницкии еицны абалет рхатәы версиа аԥырҵеит. Дара зегьы еицырдыруа аҭоурых иҿыцу аганахьала адгалара мҩаԥыргеит.

«Веронтәи атрагедиа ахымҩаԥгашьа иахҟьаны акәымкәа, еицакра змам аԥсҭазаашьа ашьақәгылара иахҟьаны ауп изымҩаԥысуа. Иааизакны атрагедиа иузцәырнаго ацәаныррақәа зынӡа игәкажьгангьы иҟаӡам. Шекспир ахәаԥшцәа рҟынтәи дыззыԥшыз ирҿиамҭақәа рфырхацәа рхымҩаԥгашьа алацәажәареи аилкаареи реиҳа урҭ иааизакны ауаҩы иԥсабара разааигәатәра ауп. Ашәҟәыҩҩы ихыдҵа анынагӡахо, арҿиамҭаҿы иаацәырҵуеит ауаа иҵоурам рҟазшьа аганқәа ахьаарԥшхо Уильиам Шекспир ирҿиамҭақәагьы злашьаҭарку ауаҩы иазхаҵара», - ҳәа иазгәаҭоуп аспектакль апресс-релиз аҿы.

Аусмҩаԥгатә Урыстәылатәи Афедерациа акультура Аминистрреи Аԥсны акультура Аминистрреи иҟарҵо адгыларала «РОСКОНЦЕРТ» ала еиҿкаауп.

Read 214 times - Ахәаша, 02 Нанҳәа 2024 12:13