«Аҭынч уааԥсыра ирҿагыланы атеррористтә жәылара мҩаԥызгаз украинатәи анеонацисцәа румҭақәа жәларбжьаратәи азин анормақәа реилагара адагьы ауаажәларра зегьы еицырзеиԥшу ауаҩратә беиарақәа рыӷраԥалароуп иаанаго. Агәра ганы ҳаҟоуп ари ацәгьоура хьырхәрада ишнымхо», -ҳәа иазгәаҭоуп Аԥсны адәныҟатәи аусқәа Рминистрра иҟанаҵаз аҳәамҭа аҿы.

Иҭахаз рҭаацәеи ргәакьацәеи ҳрыдашшылоит, зыԥсы еиқәхаз иаарласны ршьапы иқәгыларц рзеиӷьаҳшьоит.

«Иуадаҩу абри аамҭазы Курсктәи аобласти Урыстәыла зегьи руааԥсыра ҳрывагылоуп», - ҳәа иазгәаҭоуп Аԥсны адәныҟатәи аусқәа Рминистрра иҟанаҵаз аҳәамҭа атекст аҿы.