Дамеи Кархалаа зхы иақәиҭу аиқәԥаразы IV Урыстәылазегьтәи атурнир аҿы аиааира игеит.

27.Абҵара.2024

Дамеи Кархалаа зхы иақәиҭу аиқәԥаразы IV Урыстәылазегьтәи атурнир аҿы аиааира игеит.

Аҟәа. Абҵарамза 27, 2024 шықәса. Аԥсныпресс. Ареспублика Аԥсны ахаҭарнак Дамеи Кархалаа, абҵарамза 22 – 24 рзы Санкт-Петербург ақалақь аҿы имҩаԥысуаз СК Legion арԥарцәеи аҭыԥҳацәеи рыбжьара зхы иақәиҭу аиқәԥаразы IV Урыстәылазегьтәи атурнир аҿы аиааира игеит, ҳәа адырра ҟанаҵоит Аԥсны аҿари аспорти русқәа рзы Аҳәынҭқарратә Еилакы.

Аицлабрақәа иаднаԥхьалеит Урыстәыла 92 региони ақалақьқәеи рҟынтәи, иара убас Ҟазахсҭани Аԥсни рҟынтәи 645-ҩык рҟынӡа аспортсменцәа.

55 акапантә категориақәа ирыҵанакцаз аиқәԥаҩцәа Санкт-Петербург Крестовски адгьылбжаха аҿы иҟоу атлетика лас аманеж ауалҳалқәа ԥшьба рҿы еиндаҭлон. Зыкапан 48 кьыла рҟынӡа инаӡо акапантә категориа иаҵанакуа рыбжьара Дамеи Кархалаа иреиӷьу алҵшәақәа аарԥшны аиааира игеит, уи атурнир дачемпионхеит. Иара иҽазыҟаиҵоит азыҟаҵаҩцәа Игорь Бераеи Мераб Ҳашбеи рҿы.

Источник: https://apsnypress.info/ru/home/novosti/item/13886-damej-karkhalava-stal-pobeditelem-iv-vserossijskogo-turnira-po-volnoj-borbe.

Read 231 times