Атурнир зынӡа рхы аладырхәит ԥшь-командак: Пицунда, Аҷандара, Ареспубликатә ахәыҷтәы спорттә хәмаррақәа рышкол, иара убас акоманда «Спартак». Ахәмаррақәа мҩаԥысит аикәыршаратә система ала.

Аицлабрақәа реихшьаалақәа абас ала еихшахеит:

• 1-тәи аҭыԥ – Пицунда ақалақь акоманда;
• 2-тәи аҭыԥ – Аҷандаратәи акоманда;
• 3-тәи аҭыԥ – Ареспубликатә ахәыҷтәы спорттә хәмаррақәа рышкол акоманда.

Иара убас иалкаахеит амплуа ала атурнир иреиӷьу ахәмарыҩцәа:

• иреиӷьу ажәылаҩ – Габуниа Аскольд (ақ. Пицунда);
• иреиӷьу ахьчаҩ – Аџьба Леон (Аҷандара ақыҭа);
• иреиӷьу аимадаҩ – Кәытелиа Саид (Ареспубликатә ахәыҷтәы спорттә хәмаррақәа рышкол) (РДЮСШ игр).

Аиааирақәеи аԥхьахәқәеи згаз зегьы ахраҿақәа, амедалқәа, аҳаҭыртә шәҟәқәа ранашьахеит.

Аицлабрақәа реиҿкаара ахахьы иагеит – Аҟәа ақалақь Ахадара аҿари аспорти русқәа рзы Аусбарҭа.