Цандрыԥшь аҳаблаҿы Асовет Еидгыла Афырхаҵа Николаи Литвиненко имеморалтә ӷәы аадыртит.

29.Мшаҧы.2025

Цандрыԥшь аҳаблаҿы Асовет Еидгыла Афырхаҵа Николаи Литвиненко имеморалтә ӷәы аадыртит.

Аҟәа. Мшаԥымза 29, 2025 шықәса. Аԥсныпресс. Асовет Еидгыла Афырхаҵа Н.Н. Литвиненко имемориалтә ӷәы аартра иадҳәалоу аныҳәатә усмҩаԥгатә мҩаԥысит Цандрыԥшь аҳаблан.

Афырхаҵа игәалашәара анаунагӡатәра аԥшьгаҩыс иқәгылеит Н.З. Багаҭелиа ихьӡ зху Цандрыԥштәи абжьаратәи ашкол №2 арҵаҩцәа рколлективи ауаажәларратә Еиҿкаара Аурысцәа Реилазаара "Славянский дом".

Амемориалтә ӷәы аартра мҩаԥысит Санкт-Петербург ақалақь ҳаҭыр зқу амеценат Грач Погосиан ицхыраарала.

Цандрыԥшь аҳаблан ииз Николаи Никита-иԥа Литвиненко Асовет Еидгыла Афырхаҵа ҳәа ахьӡ ҳарак ианашьахеит ԥсрашьҭахь. Иара Днепр ахақәиҭтәраан иҽаликааит. Жьҭаарамза 30, 1943 шықәса рзы Асовет Еидгыла Иреиҳаӡоу Асовет Апризидиум иҭнажьыз Аусԥҟа ала иара анемец-фашисттә мпыҵахалыҩцәа рҿагылараан иааирԥшыз афырхаҵареи агәымшәареи рзы аҳәынҭқарратә ҳамҭа ианашьахеит.

Read 63 times