Аҟәа. Лаҵарамза 19, 2025 шықәса. Аԥсныпресс. Аԥсны Аҳәынҭқарра Ахада Гәынба Бадра иахьа акадрқәа амаҵурақәа рыҟны раҭаразы Аусԥҟақәа инапы рыҵаиҩит.
Аҳәынҭқарра Ахада Иусԥҟала амаҵурақәа рыҟны иаҭоуп:
Кәыҵниа Лев Константин-иԥа – Аԥсны Аҳәынҭқарра аҷыдалкаатә ҭагылазаашьақәа рзы аминистрс;
Логәуа Асҭамыр Омар-иԥа – Аԥсны Аҳәынҭқарра атуризм аминистрс;
Боџьгәуа Баграт Фазлыбеи-иԥа – Аԥсадгьыл ахь ахынҳәразы Аԥсны Аҳәынҭқарратә Еилакы ахантәаҩыс;
Берулаа Роланд Фиодор-иԥа – Аимадареи, амассатә коммуникациақәеи ацифратә ҿиареи рзы Аԥсны Аҳәынҭқарратә Еилакы ахантәаҩыс;
Аҳәба Адамыр Мирон-иԥа – Адгьылхархәареи акадастри рзы Аԥсны Аҳәынҭқарратә Еилакы аиҳабыс;
Ӷәынџьиа Роман Ҳақыбеи-иԥа – Аԥсны Аҳәынҭқарратә архивтә усбарҭа аиҳабыс.
Аԥсны Ахада Гәынба Бадра Иусԥҟала Аԥсны Аҳәынҭқарратә хьчара амаҵзура аиҳабы имаҵураҟнытә ихы дақәиҭтәуп аинрал-маиор Дбар Дмитри Сергеи-иԥа. Аҳәынҭқарра Ахада егьи Иусԥҟала Дбар Дмитри Аԥсны Аҳәынҭқарратә шәарҭадара амаҵзура Ахантәаҩыс даҭоуп.
Аԥсны Ахада Гәынба Бадра Иусԥҟала Аԥсны Аҳәынҭқарра Ахада Иусбарҭа Анапхгаҩы актәи ихаҭыԥуаҩыс даҭоуп Шамба Дмитри Михаил-иԥа.
Аԥсны Ахада Гәынба Бадра Иусԥҟала Аԥсны Аҳәынҭқарра Ахада Иусбарҭа Анапхгаҩы ихаҭыԥуаҩыс даҭоуп Аиба Баҭал Едуард-иԥа.
