Автоеиԥхныҩлара «Аамҭақәа реимадара, абиԥарақәа реимадара» Аҟәа ақалақь аҿы имҩаԥысраны иҟоуп рашәарамза 6 рзы.

05.Рашәара.2025

Автоеиԥхныҩлара «Аамҭақәа реимадара, абиԥарақәа реимадара» Аҟәа ақалақь аҿы имҩаԥысраны иҟоуп рашәарамза 6 рзы.

Аҟәа. Рашәарамза 5, 2025 шықәса. Аԥсныпресс. Автоеиԥхныҩлара «Аамҭақәа реимадара, абиԥарақәа реимадара» Аԥсны рашәарамза 6 рзы имҩаԥысуеит.

Акциа алахәылацәа идықәлоит асааҭ 8:00 рзы Аҟәа ақалақь, аихамҩатә станциа «Гәыма» аҟынтәи. Урҭ рмаршрут: ақалаққәа Афон Ҿыц – Гәдоуҭа – Гагра – Аҟәа.

Автоеиԥхныҩлара амҩаԥгараан иазԥхьагәаҭоуп 1941–1945 шш. Аџьынџьтәылатәи еибашьра Дуӡӡа афырхацәа рбаҟақәеи 1992–1993 шш. Аԥсны жәлар Рџьынџьтәылатәи еибашьра афырхацәа рбаҟақәеи рымҵан ашәҭ шьыҵәрақәа рышьҭаҵара, иара убас Гагра ақалақь аҿы амитинг мҩаԥгахоит.

Автоеиԥхныҩлара аиҿкаара рхахьы иргеит: Аԥсны аҿари аспорти русқәа рзы Аҳәынҭқарратә Еилакы, абыргцәа Рхеилаки урыстәылатәи аидгьылуаа асоциалтәи азинтәи ацхыраара рыҭаразы Ассоциациеи.

Read 74 times