Агәыӡера аҳаблан Дырмит Гәлиа имемориалтә ӷәы еиҭашьақәдыргылеит.

11.Ԥхынгәы.2025

Агәыӡера аҳаблан Дырмит Гәлиа имемориалтә ӷәы еиҭашьақәдыргылеит.

Аҟәа. Ԥхынгәымза 11, 2025 шықәса. Аԥсныпресс. Аԥсуа ркаҩҩ ду, аԥсуа ҩыратә литература ашьаҭаркҩы, Аԥсны жәлар рпоет Дырмит Гәлиа (1874 – 1960) аҵыхәтәантәи ишықәсқәа рзы дахьынхоз Агәыӡера аҳаблан ихатә ҩны ахьгылаз аҭыԥ аҿы ишьақәыргылаз амемориалтә ӷәы еиҭашьақәыргылахеит, ҳәа Аԥсныпресс ахь адырра ҟарҵеит Д. И. Гәлиа илитература-мемориалтә ҩны-амузеи аҿы.

Уаанӡа иҟаз амемориалтә ӷәы авандалцәа иԥырҽит.

Агәалашәаратә ӷәы иара убас ишьақәдыргылеит апоет Константин Симонов (1915 – 1979 шш.). ԥыхьа дахьынхоз иҩны ахьгылаз аҭыԥ аҿы. Амузеи аусзуҩцәа агәыӷра рымоуп ԥыҭрак ашьҭахь Константин Симонов идача аиҭашьақәыргылара шзадыршахо, аурыс шәҟәыҩҩы иԥсҭазаашьа аҭааҩцәа ирзеиҭарҳәартә еиԥш уахь аекскурсиақәа рымҩаԥгара шеиҿкаахо.

Read 137 times