Аҟәа ақалақь ахада Ҭемыр Агрба иарбоу апроект иаҵоу аҵакы атәы инаҵшьны иазгәеиҭеит:
«Аҳабла Ҿыц аҿы даара ирацәаны аспорт иазҿлымҳау, аха уи иазку аплошьадкақәа ахьыҟам азы зылшарақәа ԥку ахәыҷқәа, аҿар нхоит».
Апроект урыстәылатәи аенергетикатә еилазаара акционертә Еилазаара «Концерн Росэнергоатом» ацхыраарала аҳҭнықалақь Ахадара инанагӡоит.
Аспорттә дәы аартра азԥхьагәаҭоуп цәыббрамза 27 — Аҟәа ақалақь ахақәиҭтәра Амш аҽны.
