«Административтә зинеилагарақәа рзы Азакәанеидкыла иарбоу ахәҭаҷқәа аӡбарҭақәа рҿы ирыхәаԥшуеит, аха Аҳәынҭқарратә миграциатә Маҵзура шықәсырацәалатәи аусура аԥышәеи, иара убас Амиграциатә Маҵзура аушьҭра-гәаҭаратә Ҭыԥ «Ԥсоу» аҿы имҩаԥнаго аусмҩаԥгатәқәеи ишаҳнарбо ала, аус аҿы еиҳа еиӷьуп ахәҭаҷқәа 172*, 172º Аҳәынҭқарратә миграциатә Маҵзура ахәаԥшразы иадҵазарц. Уи иабзоураны административтә пкаанҵа аиқәыршәара ашьҭахь, аӡбарҭа ахь аиагарада, аоперативла аҭыԥқәа рҿы, аҳәынҭқарратә ҳәаа ахысразы аушьҭра-гәаҭаратә ҭыԥқәа рҿы ақәҵара адкылареи, анаҩс административтә хараԥса атерминал аҿы ашәара шымҩаԥысуеи аҳәаанырцәтәи атәылауаҩ ареспублика аҟынтәи иалҵра ацклаԥшреи алыршахоит», - ҳәа иаҳәоит азакәан апроект иацу аилыркаагатә шәҟәы аҿы.
30.Ԥхынгәы.2025
Аԥсны Административтә зинеилагарақәа рзы Азакәанеидкыла аиҭакрақәа алагалоуп.
Аҟәа. Ԥхынгәымза 30, 2025 шықәса. Аԥсныпресс. Жәлар Реизара-Апарламент адепутатцәа аҩбатәи, аҵыхәтәантәи аԥхьараҿы «Административтә зинеилагарақәа рзы аусқәа рыла аӡбареиҿкаара азы Азакәанеидкыла» аиҭакрақәа аларгалеит.
Аусшәҟәы адгалара мҩаԥигеит аҳәынҭқарра-зинтә политиказы апарламенттә Еилакы ахантәаҩы Дауҭ Хәытаба.
Аиҭакрақәа ралагалара хықәкыс иамоуп Аԥсны Административтә зинеилагарақәа рзы Азакәанеидкыла ахәҭаҷқәа 172*, 172° рҿы иарбоу аҟазаареи (анхара) аусура анагӡареи рзы аԥҟарақәа реилагаразы аҭакԥхықәра анагӡаразы Аԥсны Аҳәынҭқарратә миграциатә Маҵзура аусзуҩцәа рыла еиқәыршәахо административтә пкаанҵақәа оперативла рахәаԥшра алыршара.
