Акриптовалиутақәа рмиаининг азы аппаратқәа жәаба Цандрыԥшь аҳаблаҿы ирыԥшааит.

06.Нанҳәа.2025

Акриптовалиутақәа рмиаининг азы аппаратқәа жәаба Цандрыԥшь аҳаблаҿы ирыԥшааит.

Аҟәа. Нанҳәамза 6, 2025 шықәса. Аԥсныпресс. Аԥсны аҳәынҭқарратә ҳазалхратә Еилакы аҳазалхратә ҭыԥ «Ԥсоу» аусзуҩцәа Цандрыԥшь аҳабла амилициа аусзуҩцәа рыцырхырааны, нанҳәамза 5 рзы аҳаблаҿы иҟаз анхарҭа иахьаҵанакуаз ирыԥшааит Аԥсны аҳазалхратә закәанԥҵара аилагарала Аԥсныҟа иаагаз акриптовалиута арҳара иазкыз аппаратқәа жәаба.

Ирыԥшааз аппаратқәа зтәыз деилкаахеит. Уи Цандрыԥшь аҳаблаҿы инхо, 1995 шықәсазы ииз Нерсесиан А.Р. иоуп, ҳәа адырра ҟанаҵоит Аԥсны Аҳәынҭқарратә ҳазалхратә Еилакы апресс-маҵзура.

Ареспублика аҵакырахь аиагара ззин ыҟам амаининг арҳара иазку аиқәыршәагақәа рымырхит.

Иарбоу азинеилагара азы аматериалқәа Аԥсны Аҳәынҭқарратә ҳазалхратә Еилакы аҳазалхратә усеилыргарақәеи аҭҵаарақәеи рыҟәша ахь инашьҭуп.

Read 155 times