Garuda Glamping аилазаараҿы иҟоуп иахәҭоу аинфраструктура ала еиқәыршәоу 50 цыра амшьамбатә-ҩнқәа. Акомплекс асасцәа ирыднагалоит «зегьы алагалоуп» асистема ала акрыфара, абаниатә ритуалқәеи азҩыдатәратә программақәеи зцу SPA-зона, иара убас аспорттәии ахәыҷтәи зонақәа.

«Ҳара ҷыдала ахшыҩхышьҭра аҳҭоит аҩныҵҟатәии аекологиатәи атуризм аҿиара. Иара убас ас еиԥш иҟоу апроектқәа аԥсшьаразы икомфорту аҭагылазаашьақәа аԥырҵоит, Аԥсны асасцәа еиҳагьы рылахь иааиуа иҟанаҵоит», — ҳәа иазгәеиҭеит Аҳәынҭқарра Ахада Бадра Гәынба.

Сергеи Кириенко ақыҭанхамҩатә туризм уахь иналаҵаны, атәыла зегьы иахьаҵанакуа атуризм агеографиа амҽхак арҭбаарала ас еиԥш иҟоу атуристтә ԥсшьара хкы активла арҿиара хымԥадатәиуп ҳәа иазгәеиҭеит.