Аганқәа иалацәажәеит акультуратә еимдарақәа, еицырзеиԥшу апроектқәа рынагӡара, акультуратә усбарҭақәа реиҭарҿыцра.

Ҷыдала ахшыҩзышьҭра аҭан Аԥсни Нижни Новгороди рырҿиаратә коллективқәа наҟ-ааҟтәи ргастрольқәа рымҩаԥгара азҵаара. Иара убас афестиваль «Абарҵақәа рмузыка» («Музыка балконов») Аԥсны амҩаԥгаразы иҟоу алшарақәа иалацәажәеит.

Даур Ақаҩба арегион аҿы акультуратә усмҩаԥгатәқәа реиҿкаара аҩаӡара ҳарак шамоуи Аԥсни Нижегородтәи аобласти рыбжьара аусеицура аҿиара дшазҿлымҳау ртәы азгәеиҭеит.

Аиԥылара мҩаԥысит аԥсуа делегациа Нижни Новгород рыҟазаара аҳәаақәа ирҭагӡаны, дара "Росатом" аԥҵеижьҭеи 80 шықәса ахыҵра аныҳәа иалахәын, абри атәы аанацҳауеит Аԥсны акультура аминистрра.