Аԥсны-шьамтәылатәи аҳәынҭқаррабжьаратәи аусеицура азҵаарақәа рылацәажәара аконтекст аҿы аҩганк рзы аинтерес зҵоу еиуеиԥшым аусхкқәа рҿы аизыҟазаашьақәа рырҿиара иаҵоу аҵакы ахадара инаҵшьны иазгәаҭан.  

Адәныҟатәи аусқәа рминистр Олег Барцыц зхадараҿы дыҟоу аԥснытәи аделегациа аилазаараҿы иара убас иҟоуп аекономика аминистр Ҭеимураз Амқәаб, акультура аминистр Даур Ақаҩба, адәныҟатәи аусқәа рминистр ихаҭыԥуаҩ инапынҵақәа назыгӡо Иракли Ҭыжәба, Аԥснытәи аҳәынҭқарратә Университет жәларбжьаратәи аимадарақәеи аекономикатә зҵаарақәеи рзы апроректор Максим Ӷәынџьиа, Аҳәынҭқарратә инвестициатә маҵзура аспециалист хада Саид Сангәлиа, Аԥсны адәныҟатәи аусқәа Рминистрра Ааигәа Мрагылареи Африкеи рдепартамент аиҳабы  Артур Гагәылиа, акультура Аминистрра апресс-маӡаныҟәгаҩ Ҭамара Ачԥҳа.