ТАСС аҿы ажурналистцәа адиректор хада ихаҭыԥуаҩ  Алеқсандр Копнов иҿцәажәеит.

Ажәабжь ҿыцқәа рымшхәаԥштә шаԥҵахо, жәларбжьаратәи атемақәа аус рыдулара шаҭаху, убри аан аобиективра аарԥшра шалыршатәу, уҳәа атемақәа ирылацәажәеит.

Коммерсантъ  аҿы ажурналистцәа ирԥылеит аредактор хада Михаил Лукин, адәныҟатәи аполитика аҟәша аредактор Леонид Ганкини иҷыдоу акорреспондент Елена Черненкои.

Аспикерцәа аусутә журналистика атрендқәа ирылацәажәеит, иара убас иазааҭгылеит жәларбжьаратәи аизыҟазаашьақәа раарԥшра иаҵоу акәаҵамаҵарақәеи азанааҭтә лаифхакқәеи.  

Иара убас имҩаԥысит Урыстәыла аус ацура Амаҵзура аинформациатә политика Аусбарҭа анапхгаҩы Антон Черменски илекциа.

Иара «ИнтерНовости» апроект адагьы,Амаҵзура егьырҭ аԥшьгарақәагьы дрыхцәажәеит, Урыстәыла акультура, аҵарадырра, амедиа, уҳәа ахырхарҭақәа рыла адунеи аҿы ахы шӡырнаго атәы дазааҭгылеит.  

Апрограмма аҿы зыхь нагоу ажурналистцәа алархәны алекциақәа рымҩаԥгара адагьы акультуратә программагьы ыҟан: Москва ақалақь ахь аекскурсиа, иара убас Арт-ҵакыра «Футурион» аҭаара.

Убас ихыркәшахеит 2025 шықәсатәы асезон.

«ИнтерНовости» аҿы жәларбжьаратәи аԥышәахысра – ари ԥхынҷкәынмза,  2023 шықәсазыУрстәыла аҳәаанырцәтәи апресс-маҵзурақәа рхаҭарнакцәеи ажурналистцәеи аблогерцәеи рзы ихацыркыз акультура-ҵаратә программақәа реиҿкаара иазку Урыстәыла аус ацуразы Амаҵзура (Россотрудничество) апроект ауа.

Апроект ахықәкы хадас иамоуп алахәылацәа рзанааҭтә дырра аҩаӡара ашьҭыхреи урҭ ҳаамҭазтәи Урыстәыла, уи акультуреи амедиаиндустриеи рзы ирымоу адыррақәа аҵарадырратәи аԥышәаратәи аусмҩаԥгатәқәа рыҳасабала рышьҭахра. «ИнтерНовости» аҿы аԥышәахысра  апрофессионалтә еимадара  аиӷьтәреи жәларбжьаратәи амедиадиалог аҿиареи иацхраауеит. способствуют налаживанию профессиональных контактов и развитию международного медиадиалога.