Акомиссиа ԥшь-зҵаарак ирыхәаԥшит:

• Ҳаамҭазтәи Аԥсны аҳәынҭқарра ашьаҭаркҩы, Ареспублика Аԥсны Актәи Ахада Владислав Арӡынба игәалашәаратә ӷәы Владислав Арӡынба ихьӡ зху Ешыратәи абжьаратәи ашкол аҿы ашьақәыргылара азы;
• Ареспублика Аԥсны Аҩбатәи Ахада Сергеи Багаԥшь искульптура Аҟәа ақалақь иҟоу С.У.Багаԥшь ихьӡ зху аплошьад аҿы ашьақәыргылареи аплошьад арԥшӡареи рзы;
• Гал ақалақь аҿы аиланхарҭатә пункт Гал ашьаҭаркҩы Ҭлабӷан Кецба ибаҟа аргыларазы;
• Аԥсны Жәлар рпоет Рушьбеи Смыр ибиуст Афон Ҿыц ақалақь апарк аҿы ашьақәыргыларазы.

Аҳәынҭқарратә комиссиа ала акультура Аминистрра анапынҵа аҭахоит апоет искульптура иреиӷьу апроект азы аконкурс алаҳәаразы.

Егьырҭ амшхәаԥштә зҵаарақәа рыла аилацәажәара иацҵахоит иааиуа акомиссиа аилатәарақәа рҿы.