Ари ахҭыс акәша-мыкәа еизоит иԥхьагылоу атуризми асасдкылареи русхкы алахәылацәа, иара убас Аԥсны атуристтә потенциал аҿиара иазҿлымҳау жәларбжьаратәи аиҿкаарақәа рхаҭарнакцәа. Аиҿкааҩцәа афоруми ацәыргақәҵеи аԥышәеимадара, аусхкы аҿы ицәырҵуа атренд ҿыцқәа реилкаара, иара убас Аԥсны атуризм арҿиара иазырхоу аинновациатә проектқәа рылацәажәара, уҳәа рзы акыр зҵазкуа плошьадканы иҟалоит ҳәа агәра ганы иҟоуп.

Афорум атема сынтәа  - «Аиҭакрақәа раамҭазы атуризм: аинвестициақәа, аинновациа, астандартқәа» («Туризм в эпоху перемен: инвестиции, инновация, новые стандарты»).

III аҷыдалкаатә цәыргақәҵа Apsny horeca – ари Аԥсны иреиҳау B2B-площадкақәа иреиоуп, араҟа аарыхыҩцәеи аҭыжьыҩцәеи раалыҵқәеи рмаҵзурақәеи рӡыргаразы, иара убас аусуратә еимадарақәа рыбжьаҵареи апартниортә еимадара аҳәаақәа рырҭбаареи, уҳәа рзы алшара рзаԥҵахоит.

Ацәыргақәҵа HoReCa (hotel, restaurant,  cafe/catering) ҳәа аусхктә хырхарҭа ала аус зуа апрфессионалцәа, иара убас атуризми асасдкылареи русхкы аҿы аус зуа ирзырхоуп.   

Ацәыргақәҵаҿы иӡыргахоит аҩнымаҭәа, аба, амаҵурҭатә маругақәа, иара убас асасааирҭатәи аресторантәи абизнес азы акосметика аазго, уҳәа аилазаарақәа.

«Ари абизнес азы иҿыцу аџьармыкьақәа рахь рцәырҵра, апартниорцәеи аклиентцәеи рыԥшаара, иара убас асасааирҭа-ресторантә усхкы аҿы русура аеффективра шьҭызхыр зылшо иҿыцу ахырхарҭақәеи аусура амҩаԥгашьеи реилкаара азы зеиӷьаҟам лшароуп», – ҳәа иазгәарҭоит иарбоу аусмҩаԥгатә аиҿкааҩцәа.

Аусмҩаԥгатә мҩаԥысуеит аусуратә еиԥыларақәа, апрезентациақәа, аконференциақәа рымҩаԥгаразы зегьы рыла еиқәыршәоу, иҿыцу, ҳаамҭа иақәшәо апарк-отель «Нарт» аконференц-зал аҿы. Иҭбааҭыцәу, зегьы рыла иманшәалоу ари аҵакыра абизнес-усмҩаԥгатәқәеи аԥышеимадареи рзы зеиӷьаҟам ала иақәшәоит. Иара убас, ацәыргақәҵа аҳәаақәа ирҭагӡаны, еиҿкаахоит иҷыдалкаау аҟазара-аклассқәеи апрезентациақәеи, араҟа алахәылацәа Аԥсны асасааирҭатәи аресторантәи абизнес қәҿиарала аҿиаразы хадара злоу аинновациатә проектқәеи атрендқәеи реилкааразы алшара роуеит.  Убасҵәҟьа аусхкы аекспертцәа ықәгылараны иҟоуп. Урҭ рԥышәеи иреиӷьу апрактикақәеи ртәы еиҭарҳәоит.

Ашәҟәҭагалара афорум асаит: https://visitapsny.ru/  ала иҟалоит.

Инарҭбаау аинформациа аиуразы абри аҭел ала уасыр ҟалоит: +7(940)713-00-08.

Афорум аиҿкаара ахахьы иагеит – Аԥснытәи атуризм Аидгыла.

Аҳәынҭқарра аганахьала апартниор хада– Аԥсны атуризм Аминистрра.

Сынтәа афорум аинформациатә партниор хадас иҟоуп –  амедиа-гәыԥ «Аԥснымедиа». Прочитано 185 раз. Последнее изменение 08.09.2025.

Источник: https://apsnypress.info/ru/home/novosti/item/17167-vi-mezhdunarodnyj-turisticheskij-forum-visit-apsny-sostoitsya-v-gagre-6-7-oktyabrya.

© АПСНЫПРЕСС.