Актәи Жәларбжьаратәи аекономикатә Форум «Аахыҵ Уаԥстәыла. Аинвестициақәа рылаԥшҳәаақәа» аатит Цхьынвал ақалақь аҿы.

18.Цәыббра.2025

Актәи Жәларбжьаратәи аекономикатә Форум «Аахыҵ Уаԥстәыла. Аинвестициақәа рылаԥшҳәаақәа» аатит Цхьынвал ақалақь аҿы.

Аҟәа. Цәыббрамза 18, 2025 шықәса. Аԥсныпресс. Актәи Жәларбжьаратәи аекономикатә Форум «Аахыҵ Уаԥстәыла. Аинвестициақәа рылаԥшҳәаақәа» Аахыҵ Уаԥстәыла аҳҭнықалақь Цхьынвал аҿы иаатит.

«Ҳара ҳхықәкы хаданы иҟоуп аекономика аҿиареи аинвестициақәа ралагалареи рзы иманшәалоу аҭагылазаашьақәа раԥҵара», - ҳәа Афорум аартра иадҳәалоу аусмҩаԥгатә аҿы дықәгыло иазгәеиҭеит Аахыҵ Уаԥстәыла Ахада Алан Гаглоев.

Аԥснытәи аделегациа ахада, атәыла аԥыза-министр Владимир Делба иарбоу афорум Аахыҵ Уаԥстәыла азы акыр аҵак ду амоуп ҳәа инаҵшьны иазгәеиҭеит.

Хымш рыҩныҵҟа Цхьынвал ақалақь аҿы имҩаԥыслоит аизҳаразы иҿыцу алшарақәа рыԥшаара, ареспублика адәныҟаекономикатә усура арӷәӷәареи атәыла аинвестициатә аднаԥхьалара ашьҭыхреи иазку аусуратә сессиақәа.

Ареспубликатә аҳәынҭқарратә Усбарҭа «Аԥснымедиа» – «Жәларбжьаратәи аекономикатә Форум-25» аинформациатә партниорс иҟоуп.

Read 139 times