Аӡыргара ихы алаирхәит Аԥсны аԥыза-министр Владимир Делба. Абанкнота адгалара мҩаԥнагеит Аахыҵ Уаԥстәыла Амилаҭтә Банк. Апроект 2024 шықәсазы Аахыҵ Уаԥстәыла Ахада ила иаԥшьган, уи анагӡара алыршахеит урыстәылатәи анаплакы «Гознак» алархәны.
Абанкнота атираж 20 нызықь екземплиар рҟынӡа инаӡоит.
Аахыҵ Уаԥстәыла Ахада Алан Гаглоев Иусԥҟала, амедаль «Ареспублика Аахыҵ Уаԥстәыла аԥҵара 35-шықәса ахыҵра иазкны» ажәларқәа рыбжьара аусеицура арҿиара аҿы илагалазы ианашьахеит Аԥсны Амилаҭтә Банк ахантәаҩы Беслан Бараҭелиа.
