«Ҳара ҳаргылаҩцәа алашьцара  ирымнахаанӡа аус руеит, ақәоурақәа ирылагӡаанӡа аусура хыркәшатәуп. Аусурақәа хацыркын Аҳәынҭқарра Ахада Бадра Гәынба инапынҵала. Ҳара апроект-харџьынҵатә документациа еиқәҳаршәеит, анаҩс Гәдоуҭатәи араионтә поликлиника етап-етапла аиҭашьақәыргылара ҳалагеит, аԥхьа иргыланы ахыбра аиҭашьақәыргыларала ҳалагеит.

Аобиект уадаҩуп, ахыбра аҭоурых-культуратә ҭынхақәа рсиа иалагалоуп. Иҟалар зылшо амшцәгьақәа ҳасаб азуны аиҭашьақәыргыларатә усурақәа ҩымз рҟынӡа ирҭагӡахар ауеит», – ҳәа адырра ҟаиҵеит Шьаҭанкыла аргыларазы Аусбарҭа аиҳабы Демир Гамсаниа.