0% рҟынӡа инаӡо аҳазалхратә баџь абарҭ аиҵаҟәшақәа рганахьала ишьақәыргылоуп:

• Аԥшалатәгенераторқәа;
• Аԥшалатәгенераторқәа рыԥсахга хәҭақәа, амратә панельқәеи аԥшалатәгенераторқәеи рзы аконтролиорқәа;
• Амратә панельқәа;
• адиодқәа, атранзисторқәеи аиԥш-зеиԥшу абжамҩангагатә приборқәеи, афотонырратә абжамҩангагатә приборқәа, амодульқәа рахь еизгоуи еизгами, афотогальваникатә елементқәагьы уахь иналаҵаны, апанельқәа ирҭаҟаҵоуи ирҭаҟаҵами, ашәахәа назышьҭуа адиодқәа, апиезо;
• афотонырратә абжамҩангагатә приборқәа, афотогальваникатә елементқәагьы уахь иналаҵаны, апанельқәа ирҭаҟаҵоуи ирҭаҟаҵами, ашәахәа назышьҭуа адиодқәа;
• егьырҭ априборқәа абжамҩангагатә приборқәа, афотогальваникатә елементқәагьы уахь иналаҵаны, амодульқәа рахь еизгоуи еизгами, апанельқәа ирҭаҟаҵоуи ирҭаҟаҵами.

Ақәҵара асиа иалагалаз аиҭакрақәа рышьақәырӷәӷәаразы Апарламент ахь идықәҵахоит.

Аԥыза-министр Владимир Делба иарбоу атауарқәа Аԥсныҟа раагараан Иназыцҵоу Ахәԥса Ашәахтәи аҳазалхратә баџьи рҟынтәи ахақәиҭтәра, аҭыԥан афымцамч альтернативтә хыҵхырҭақәа рыԥшаареи иахәҭоу атехнологиақәа аус рыдулареи рзы аинтересс аазырԥшуа ауаа рмотивациеи ргәазҭазаареи иацхраауеит ҳәа иазгәеиҭеит. «Убри аҟнытә ҳара иарбоу аԥшьгарақәа адгылара рыҭара ҳазхиоуп. Уи хадара злоу ауснагӡатәқәа роуп, урҭ атәыла анапхгара алахәылацәа ахәаԥшразы ирыдгалахоит», - ҳәа иҳәеит Владимир Делба.