Зганахьала жәларбжьаратәи аԥшаара хацыркыз Ермантәыла атәылауаҩ дааныркылеит Аԥсны.

04.Абҵара.2025

Зганахьала жәларбжьаратәи аԥшаара хацыркыз Ермантәыла атәылауаҩ дааныркылеит Аԥсны.

Аҟәа. Абҵарамза 4, 2025 шықәса. Аԥсныпресс. Аԥсны аҳәынҭқарратә шәарҭадара Амаҵзура аусзуҩцәа дааныркылеит 1986 шықәса рзы ииз Ермантәыла атәылауаҩ Гора Рафаил-иԥа Асатриан.

Гора Асатриан Ермантәыла азинхьчаратә усбарҭақәа рҟынтәи Аԥсны иҽиӡон.

Ишышьақәыргылахаз ала, ԥхынгәымза, 2024 шықәса рзы Ермантәыла иахьаҵанакуа изакәанымкәа анаркотикатә маҭәашьарқәеи абџьари реикәыршара азы Гора Асатриан иганахьала Интерпол аҟынтәи жәларбжьаратәи аԥшаара хацыркын.

Иара иԥаршеиз аусшәҟәқәа рыла амиграциатә режим аилагарала Аԥсны дынхон.

Гора Асатриан иганахьала аоператив-усеилыргаратә усмҩаԥгатәқәа мҩаԥыргоит.

Read 106 times