Автомашьына Mercedes-Benz аԥсҟы зкыз  Баграт Бармышаа,  иџьбароу арыжәтә ыжәны дшыҟаз, ганкахьала аныҟәара иазкыз Арӡынба имҩахь дцәырҵит. Змашьына аццакра 110 км/с иреиҵамыз, иара Џьонуа имҩа аихысырҭахь данцәырҵ, Коӷониа имҩаҟынтәи Џьонуа имҩа аганахьала иаауаз, 1999 шықәсазы ииз Ачба Лиана Гиви-иԥҳа зыԥсҟы лкыз автомашьына  Hyundai Tucson даахеит. Иҟалаз амҩа-транспорттә машәыр иахҟьаны ахәахәарақәа зауз  Ачба Лиана ахәышәтәырҭахь днаргеит.

Ареспубликатә хәышәтәырҭа адкыларҭа ахь инагаз Баграт Бармышаа ихала ахәышәтәырҭа ааныжьны еилкаам ахырхарҭала дцеит.  

Баграт Бармышаа дахьыҟоу аҭыԥ аилкаареи иаанкылареи рзы аоператив-ԥшааратә усмҩаԥгатәқәа мҩаԥыргоит.