Аспортсменка Софиа Боџьгәуа абҵарамза 12 инаркны 14 рҟынӡа Пекин имҩаԥысраны иҟоу жәларбжьаратәи атурнирқәа – «Небесная грациеи» Beijing Top Open - 2025 дрылахәхоит. Уи уахь Аԥсны Аҳәынҭқарра асахьаркыратә гимнастика Афедерациа ддәықәнаҵоит.

Аԥсны Аҳәынҭқарреи Китаитәи Жәлар Рреспубликеи рыбжьара адипломатиатә еизыҟазаашьақәа ахьыҟам инамаданы, аԥснытәи агимнастка «Небеснаиа грациа» абираҟ аҵаҟа инеитралтәу спортсменк лаҳасаб ала дықәгылоит.

Аԥснытәи аспортсменкеи уи лазыҟаҵаҩи уахь рцара, рынхара, рыкрыфарачара ирыдҳәалоу ахарџьқәа зегьы Алина Кабаева напхгара зылҭо Академиа ахахьы иагоит.

Ас еиԥш аҩаӡара ҳарак змоу атурнир Аԥсны ахаҭарнак лалахәхара Аԥсны аспорт аҭоурых аҿы акыр зҵазкуа хҭысуп. Ари ашьаҿа ҳаспортсменцәа жәларбжьаратәи арена ахь анеиразы алшара ҿыцқәа рзаанартуеит.