Амҩатә инфраструктура аиҭашьақәыргылара аҭыԥантәи абиуџьет ахарџь ала еиԥш, Ареспублика Аԥсны асоциал-економикатә ҿиара ацхыраара аҭаразы Аинвестициатә  программагьы аҳәаақәа ирҭагӡаны имҩаԥысуеит.

«Араион аҿы амҩатә инфраструктура ашьақәыргылара иазку аусурақәа ирыцҵоуп. Аинвестициатә программа анагӡара аҳәаақәа ирҭагӡаны уажәы Ԥхынгәымза 23, Киараз, Пушкин амҩақәа рҿы аиҭашьақәыргыларатә усурақәа мҩаԥысуеит.

Иара убас абиуџьеттә финансыркра ала амҩатә инфраструктура ашьақәыргылара иазку аусурақәа ирыцҵоуп. Аиҭашьақәыргыларатә усурақәа мҩаԥысуеит Хатәгәаԥхарауаа, Гарцкьиа, Шамба амҩақәа рҿы. Кистрикскаиа лымҩала игылоу аҩнеихагыла иаҵанакуа ашҭа аиқәыршәазаара мҩаԥысуеит, – ҳәа еиҭеиҳәеит Шьаҭанкыла аргыларазы Аусбарҭа аиҳабы Демир Гамсаниа.

Аиҭашьақәыргылара-ргыларатә усурақәа мҩаԥысуеит иара убас Афон Ҿыц ақалақь аҿы. Аспециалистцәа ацрыӡ арыцқьаратә система аргылара аҩбатәи аетап анагӡара иалагеит.

«Ацрыӡмҩангагатә аӡхагаларатә станциеи ақәыӷәӷәаратә коллекторқәеи рышьақәыргылара иазкны аусурақәа мҩаԥысуеит», –  ҳәа иҳәеит Демир Гамсаниа.